بۆ یەكەمینجار كۆنفرانسی بەرەنگاربوونەوەی ماددە هۆشبەرەكان لەسلێمانی بەڕێوەچوو
کوردستان 04:48 PM - 2024-03-07كۆنفرانسی لوتكەی زانستی بەرەنگاربوونەوەی ماددە هۆشبەرەكان لە هەرێمی كوردستان/عیراق
بۆ یەكەمجار لەسەر ئاستی هەرێم، كۆنفرانسی لوتكەی زانستی بەرەنگاربوونەوەی ماددە هۆشبەرەكان لە هەرێمی كوردستان/عیراق، لە سلێمانی دەستیپێكردو زانستییانە لایەنەكانی ئەم بوارە مەترسیدارو كارەساتبارە خرانەڕوو، هاوكات وەزیری تەندروستی هەرێم رایگەیاند: "ماددەی هۆشبەر بابەتێكی هەستیارەو بەتەنها كاری لایەنی ئەمنی و دادگاو وەزارەتی كارو كاروباری كۆمەڵایەتی و تەندروستی نییە، بەڵكو كاری سەرجەم تاكەكانە و دەبێت هۆشیاربین".
ئەمڕۆ پێنج شەممە بە ئامادەبوونی دكتۆر ساڵح مەهدی ئەلحەسناوی وەزیری تەندروستی عیراق و دكتۆر سامان بەرزنجی وەزیری تەندروستی هەرێم و دكتۆر رەهێڵ فەرەیدون بریكاری وەزارەتی تەندروستی و كوێستان محەمەد وەزیری كارو كاروباری كۆمەڵایەتی و د.هەڤاڵ ئەبوبەكر پارێزگاری سلێمانی و ژمارەیەك بەرپرسی حكومی و مامۆستایانی زانكۆ، یەكەمین كۆنفرانسی لوتكەی زانستیی بەرەنگاربوونەوەی ماددە هۆشبەرەكان لە هەرێمی كوردستان/عیراق دەستیپێكرد.
وەزیری تەندروستی: توشبووانی ماددەی هۆشبەر شیاندنەوەیان بۆ بكرێت
دكتۆر سامان بەرزنجی وەزیری تەندروستی هەرێم رایگەیاند: "دانانی ستراتیجییەتی بەرەنگاربوونەوەی ماددەی هۆشبەر لە هەرێمی كوردستان بنەمایەكی گرنگە كە لە بەشەكانی دادوەری، ئاسایش، چارەسەرو شیاندنەوە، هۆشیاركردنەوەو رۆشنبیركردنی هاووڵاتیان، مامەڵەكردنی نێودەوڵەتی پێكدێت، هاوكات لیژنەی باڵای وەزارەتی تەندروستی بۆ هۆشیاركردنەوە پێكهێندراوەو لەگەڵ سەرجەم وەزارەتەكان دەستی بەكار كردووەو یەكێك لە راسپاردەكانی ئەنجامدانی كۆنفرانسی هۆشیاركردنەوەیە لە ماددەی هۆشبەرو كارتێكەرە ئەقڵییەكان".
وەزیری تەندروستی هەرێم راشیگەیاند: "ئێستا لەسەرجەم چاكسازییەكان خزمەتگوزاری تەندروستی و دەرونی پێشكەش بە نەخۆشان و توشبووانی ماددەی هۆشبەر دەكرێت، ئەمە جگە لەوەی لەگەڵ حكومەتی هەرێم پلانمان هەیە توشبووانی لەگەڵ تاوانبارو تۆمەتباران جیابكەینەوە، چونكە دەبێت توشبووان چارەسەرو شیاندنەوەیان بۆ بكرێت، بۆ ئەو مەبەستەش 5 ملیار دینار بۆ هەریەك لە شارەكانی هەولێر، سلێمانی، دهۆك تەرخانكراون تاوەكو سەنتەری شیاندنەوە لەو شارانە دروستبكرێن".
هەرێم و عیراق هەوڵەكانیان بۆ روبەڕوبوونەوەی ماددەی هۆشبەر چڕدەكەنەوە
راشیگەیاند: "ماددەی هۆشبەر بابەتێكی هەستیارەو بەتەنها كاری لایەنی ئەمنی و دادگاو وەزارەتی كارو كاروباری كۆمەڵایەتی و تەندروستی نییە، بەڵكو كاری سەرجەم تاكەكانە و دەبێت هۆشیاربین و ببینە نموونەی روبەڕوبوونەوە، هاوكات لەگەڵ وەزارەتی تەندروستی حكومەتی فیدراڵ هەوڵەكانمان بۆ روبەڕوبوونەوەی ماددەی هۆشبەر لەسەر ئاستی عیراق و هەرێم چڕ دەكەینەوە".
پارێزگاری سلێمانی: بەگژ هەڕەشەكانی مادەی هۆشبەردا بچینەوە
هەر لە كۆنفرانسەكەدا د.هەڤاڵ ئەبوبەكر پارێزگاری سلێمانی وتەیەكی پێشكەش كردو سوپاسی هەموو ئەو دامەزراوانەی پارێزگای سلێمانی كرد، كە بە هەماهەنگیی توانیویانە بۆ یەكەمجار لەسەر ئاستی هەرێم، كۆنفرانسی لوتكەی زانستی بەرەنگاربوونەوەی ماددە ھۆشبەرەكان لە سلێمانی رێكبخەن و زانستییانە كار لەسەر ئەم بوارە مەترسیدارو كارەساتبارە بكەن.
پارێزگاری سلێمانی داواشیكرد: "بەگژ ئاڵنگاریی و هەڕەشە جدییەكانی مادەد هۆشبەرەكان و نەخوێندەواریی و بێكاریی و گەندەڵیی و خۆسەپێنی و توندڕەویی و تیرۆر و وێرانكاریی و بەهەدەردان و كۆچی ناچاریی و گۆڕانی ئاووهەواو بەبیابانبوون و گۆڕینی دیمۆگرافیدا بچنەوە".
PUKMEDIA
هەواڵی زیاتر
-
وەزیری کشتوکاڵ: وەک پارێزگاکانی دیکەی عیراق گەنمی جوتیارانی هەرێم وەردەگیرێت
11:14 PM - 2024-05-05 -
قوباد تاڵەبانی بەشداری پرسەی هاوسەری د.فوئاد حسێن دەکات
10:42 PM - 2024-05-05 -
سەرۆک بافڵ بەشداری پرسەی شێخی ئیمارات دەکات
01:36 PM - 2024-05-05 -
بازرگانێکی نێودەوڵەتی ماددەی هۆشبەر دەستگیردەکرێت
09:06 PM - 2024-05-04
ئەمانەش ببینە
کوردستان 01:42 PM - 2024-05-05 سهرباری رێگرییهكانی حكومهتی ههرێم 102 خێزانی ئاواره گهڕانهوه شهنگال
ئهندامێكی لیژنهی دارایی: تهوتین دواكهوتنی مووچه چارهسهر دهكات
11:47 AM - 2024-05-05
٧٢ هەمین هەفتانەی دیجیتاڵی ئینگلیزی بڵاودەكرێتەوە
09:23 AM - 2024-05-05
وەفدێکی یەکێتی گرێبەستی کشتوکاڵی و وەبەرهێنان لە دوبەی ئیمزا دەکات
07:34 PM - 2024-05-04
سەرۆک بافڵ دەچێتە ئەمریکا
05:24 PM - 2024-05-04
زۆرترین خوێنراو
-
قوباد تاڵەبانی بەشداری پرسەی هاوسەری د.فوئاد حسێن دەکات
کوردستان 10:42 PM - 2024-05-05 -
وەفدێکی یەکێتی بەشداری لە جەژنی قیامەی مەسیحیەکان دەکات
ی ن ک 08:56 PM - 2024-05-05 -
شاڵاو کۆسرەت رەسوڵ لەهەولێر بەشداری ژمارەیەک پرسە دەکات
پرسەنامە 07:56 PM - 2024-05-05 -
هاوخەمی قوباد تاڵەبانی بۆ بنەماڵەی خەسرەوی حەمەی محە
پرسەنامە 06:08 PM - 2024-05-05 -
هاوخەمی قوباد تاڵەبانی بۆ کۆچی دوایی عەبدولستار محەمەد
پرسەنامە 04:39 PM - 2024-05-05 -
سهرباری رێگرییهكانی حكومهتی ههرێم 102 خێزانی ئاواره گهڕانهوه شهنگال
کوردستان 01:42 PM - 2024-05-05 -
سەرۆک بافڵ بەشداری پرسەی شێخی ئیمارات دەکات
ی ن ک 01:36 PM - 2024-05-05 -
ئهندامێكی لیژنهی دارایی: تهوتین دواكهوتنی مووچه چارهسهر دهكات
کوردستان 11:47 AM - 2024-05-05