سەرۆككۆمار ستایشی قوربانیدانی ژنانی عیراق دەكات
عیراق 03:43 PM - 2024-03-07
نوسینگەی راگەیاندنی سەرۆكایەتی كۆمار
سەرۆك كۆمار بەبۆنەی رۆژی جیهانیی ژنان پێشوازی لە ژمارەیەك ژن دەكات
د.لەتیف جەمال رەشید سەرۆككۆماری عیراق پێشوازیكرد لە ژمارەیەك ژنە چالاكوان و نوێنەرانی رێكخراوەكانی كۆمەڵی مەدەنی، كە لە پەراوێزی چالاكییەكانی سەرۆكایەتی كۆماردا بەبۆنەی رۆژی جیهانیی ژنانەوە سەردانیان كرد.
لە سەرەتای دیدارەكەدا، كە رۆژی پێنج شەممە 7-3-2024 لە كۆشكی بەغداد بەڕێوەچوو، سەرۆككۆمار بەبۆنەی رۆژی جیهانیی ژنانەوە پیرۆزبایی لە ژنانی عیراق كرد، هیوای پێشكەوتنی بەردەوام و سەركەوتنی بۆ خواستن لە راپەڕاندنی كارەكانیان و لەئەستۆگرتنی بەرپرسیارێتی خێزانەكانیان.
سەرۆككۆمار جەختیكردەوە لە گرنگی پشتیوانیكردن لە تواناكانی ژنان و بەشداریكردنیان لە سەرجەم ئاستەكان و پۆستەكانی بڕیاردان و دەستەبەركردنی نوێنەرایەتییەكی دادپەروەرانە بۆیان لە رەخساندنی دەرفەتە یەكسانەكاندا. هاوكات ئاماژەی بەوەشدا، سەرۆكایەتی كۆمار چەندین پرۆژەیاسای رەوانەی ئەنجومەنی نوێنەران كردوە بۆ پەسندكردنیان، كە پەیوەستن بە بەهێزكردنی توانای ژنان و رۆڵیان لە بنیاتنانەوە و پێشكەوتنی عێراقدا. سەرەڕای پێشكەشكردنی پاڵپشتی و پشتیوانی بۆیان لە سەرجەم بوارە جۆراوجۆرەكاندا بە ئامانجی بەدەستهێنانی گشت مافەكانیان.
هەروەها سەرۆككۆمار ستایشی قوربانیدانی ژنانی عیراقی كرد لە بەرەنگاربونەوەی رژێمە دیكتاتۆرییەكان و بەرپەرچدانەوەی باندە تیرۆریستییەكان، كە نایابترین داستانەكانی خۆڕاگری و بەرهەڵستی و قوربانیدانیان لەم چوارچێوەیەدا بەرجەستە كردووە.
لەلایەن خۆیانەوە، ئەندامانی وەفدەكە ویستی خۆیان بۆ بەشداریكردنی راستەقینە و كاریگەر لە بوارەكانی ژیانی سیاسی و رۆشنبیری و ئابوری و هاوبەشیكردن لە بەدیهێنانی گەشەسەندنی هەمەلایەنە نیشاندا، هەروەها پێزانینی خۆیان بۆ سەرۆككۆمار دەربڕی، كە بەردەوام پاڵپشتی لە ژنانی عیراق دەكات بۆ گەیشتن بە ئامانجەكانیان و بەدەستهێنانی مافەكانیان.
PUKMEDIA
هەواڵی زیاتر
-
بەرهەمهێنانی گازی سروشتی بۆ وێستگەكانی كارەبا دەستپێدەکاتەوە
05:35 PM - 2025-11-29 -
ئەحمەد میرە: میدیا سیخوڕەکان هەوڵی ناشرینکردنی سلێمانی دەدەن
03:44 PM - 2025-11-29 -
ئەمریکا.. دوای هێرشەکەی نزیک کۆشکی سپی دەرگا بەڕووی پەنابەراندا دادەخات
11:13 AM - 2025-11-29 -
دوو كهشتی لهدهریای رهش تهقینەوە
10:19 AM - 2025-11-29
ئەمانەش ببینە
خۆپیشاندانەکەی هەولێر بریندار و کوژراوی لێدەکەوێتەوە
02:36 PM - 2025-11-29
دابهشكردنی مووچهی مانگی ئهیلول راگهیهندرا
02:14 PM - 2025-11-29
هێرشهكهی كۆرمۆر و كاردانهوهكان
12:32 PM - 2025-11-29
مووچەی مانگی ئەیلوول بۆ هەرێم نێردرا
11:25 AM - 2025-11-29
زۆرترین خوێنراو
-
چەخماخ لێدە، چراکەم هەڵنەکردووە...
بیروڕا 01:49 PM - 2025-11-29 -
هێرشهكهی كۆرمۆر و كاردانهوهكان
کوردستان 12:32 PM - 2025-11-29 -
مووچەی مانگی ئەیلوول بۆ هەرێم نێردرا
کوردستان 11:25 AM - 2025-11-29 -
ئەمریکا.. دوای هێرشەکەی نزیک کۆشکی سپی دەرگا بەڕووی پەنابەراندا دادەخات
جیهان 11:13 AM - 2025-11-29 -
دوو كهشتی لهدهریای رهش تهقینەوە
جیهان 10:19 AM - 2025-11-29 -
بارانبارین ههرێمی كوردستان و عیراق دهگرێتهوه
عیراق 09:49 AM - 2025-11-29 -
رووی (سیا)ی میدیای چەواشە لە دۆسیەی كۆرمۆردا
بیروڕا 11:10 PM - 2025-11-28 -
لەسەر ڕاسپاردەی مەڵبەندی ڕاپەڕین موەلیدەکانی سنوورەکە کەوتنەوە کار
کوردستان 10:47 PM - 2025-11-28






.jpg)
دابەزێنە

