سه‌رۆك كۆمار: په‌رۆشی هاوئاهه‌نگین له‌گه‌ڵ كۆمه‌ڵگه‌ی نێوده‌وڵه‌تی

راگەیاندی سەرۆککۆمار

سه‌رۆككۆماری عیراق و نوێنه‌ری تایبه‌تی سكرتێری گشتی نه‌ته‌وه‌ یه‌كگرتووه‌كان له‌ عیراق

سه‌رۆك كۆمار پێشوازی له‌نوێنه‌ری تایبه‌تی سكرتێری گشتیی نه‌ته‌وه‌ یه‌كگرتووه‌كان له‌عیراق كردو په‌رۆشیی عیراقی بۆ هاوئاهه‌نگی و هاریكاری له‌گه‌ڵ كۆمه‌ڵگه‌ی نێوده‌وڵه‌تی دوپاتكرده‌وه‌.


د.له‌تیف جه‌مال ره‌شید سه‌رۆككۆماری عیراق پێشوازیكرد له‌ جینین پلاسخارت نوێنه‌ری تایبه‌تی سكرتێری گشتی نه‌ته‌وه‌ یه‌كگرتووه‌كان له‌ عیراق.

له‌ دیداره‌كه‌دا كه‌ ئه‌مڕ‌ۆ دووشه‌ممه‌ 4-3-2024 له‌ به‌غدا به‌ڕ‌ێوه‌چوو، سه‌رۆك كۆمار په‌رۆشیی عیراقی بۆ هاوئاهه‌نگی و هاریكاری له‌گه‌ڵ كۆمه‌ڵگه‌ی نێوده‌وڵه‌تی له‌پێناو پاڵپشتیكردنی هه‌وڵه‌كانی بۆ چه‌سپاندنی ئاسایش و سه‌قامگیری و دابینكردنی ئاسایشی هاووڵاتیان و سه‌لامه‌تییان دوپاتكرده‌وه‌.

هه‌روه‌ها ئاماژه‌یكرد به‌ پێویستی كاری هاوبه‌ش له‌گه‌ڵ كۆمه‌ڵگه‌ی نێوده‌وڵه‌تی بۆ روبه‌ڕ‌وبونه‌وه‌ی ئاڵنگارییه‌كان له‌ بواره‌كانی ژینگه‌ و كه‌شوهه‌واو ته‌ندروستی و فێركردن، به‌شێوه‌یه‌ك كه‌ ژیانێكی شكۆمه‌ندانه‌ بۆ عیراقییه‌كان ده‌سته‌به‌ر بكات.

PUKMEDIA