‎داهاتی هەفتەی رابردووی سلێمانی زیاتر لە 20 ملیار دینارە

PUKMEDIA

شەفافیەت

داهاتی یەك هەفتەی سلێمانی لە رۆژی 24-2-2024 تا 1-3-2024، بڕی 20 ملیار و 462 ملیۆن و 906 هەزار و 206 دینار بووە، بەجۆرێك كە زیاتر لە 19 ملیار دیناری نەختینەیە و هەروەها زیاتر لە 1ملیار دینار بەشێوەی چەكە.

سایتی شەفافیەت بۆ چاودێری و رێكخستنی داهاتە نانەوتییەكانی سلێمانی و هەڵەبجە و هەردوو ئیدارەی راپەڕین و گەرمیان داهاتی یەك هەفتەی راگەیاندووە بەشێوەیەك، بڕی 20 ملیار و 462 ملیۆن و 906 هەزار و 206 دینار بووە، بەجۆرێك كە 19 ملیار و 282 ملیۆن و 980 هەزار و 600 دینار واتە 94% نەختینەیە و هەروەها 1 ملیار و 179 ملیۆن و 925 هەزار و 606 دینار بەشێوەی چەكە واتە %6، هەروەها مقاصە سفرە.

رۆژی 15-12-2022 دوای 30 ساڵ، حكومەتی هەرێمی كوردستان لەسەر دەستی قوباد تاڵەبانی بوو بەخاوەنی پڕۆژەی شەفافییەت لە داهات و خەرجی.

ئێستا رۆژانە دەتوانیت سەرجەم داهاتە نانەوتییەكانی پارێزگاكانی سلێمانی و هەڵەبجە و هەردوو ئیدارەی سەربەخۆی گەرمیان و راپەڕین لەسایتی شەفافییەتەوە بزانیت.

بەپێی نوێترین ئاماری سایتی شەفافییەت www.shafafiat.net، بڕیارە هەموو رۆژێك داهاتی ئەو شوێنانە بڵاوبكرێتەوە.
PUKMEDIA