٤٠ رۆژ بەسەر کۆچی دوایی حەمید سابیر دا تێدەپەڕێت

ئاژانسەکان

مەراسیمی چلەی حەمید سابیر

ئەمڕۆ ٢٤-٢-٢٠٢٤ (٤٠) رۆژ تێپەڕدەبێت بەسەر کۆچی دوایی هونەرمەند و راگەیاندنکار حەمید سابیر کادری دێرینی راگەیاندن و ئەندامی ئەنجومەنی راوێژکاری بۆردی راگەیاندنی یەکێتیی نیشتمانیی، لەمەراسیمێکیشدا بەبشداری کەسوکار و ژمارەیەکی زۆر کەسایەتی حکومی و حزبی و هونەرمەندان تاجە گوڵینەی وەفا لەسەر گڵکۆکەکەی دانرا.

هاوکات لەمەراسیمەکەدا رێباز بیرکۆتی ئەندامی سەرکردایەتی یەکێتیی نیشتمانیی کوردستان بە ناوی ئەنجومەنی سەرکردایەتییەوە پاش بەخێرهاتنی ئامادەبووان رایگەیاند:" ئەمڕۆ لێرە کۆبووینەتەوە بۆ بۆنەیەکی ناخۆش، کە ٤٠ رۆژ لەمەو بەر کاک حەمید وەک راگەیاندنکار و شانۆکارێکی بەتوانا بە کارەساتێکی ناخۆش ماڵئاوایی لێکردین".

وتیشی:" بەداخەوە کۆمەڵێک کادری باشمان لەدەستداوە بەتایبەت لەناو راگەیاندنەکانی یەکێتی، کاک حەمیدیش خۆشەویستی هەموو کەسێک بوو، خەڵکێکی زۆر بۆی دەداخن ئەمەش مایەی شانازییە بۆ ئێمە کەک کاکە حەمید پەروەردەی دەستی راگەیاندنەکانی یەکێتییەوە ماوەی ٣٠ ساڵ خزمەت دەکات".

شەوی ٢٢-١-٢٠٢٤هونەرمەند و راگەیاندنکار حەمید سابیر کادری دێرینی راگەیاندن و ئەندامی ئەنجومەنی راوێژکاری بۆردی راگەیاندنی یەکێتیی نیشتمانیی کوردستان بەڕووداوی هاتوچۆ کۆچی دواییکرد.

PUKMEDIA