ئاسایش 30 تیرۆریست دەستگیر دەکات

PUKMEDIA

لۆگۆی ئاسایش

لە ئۆپەراسیۆنێکی ئەمنیدا 30 تیرۆریست دەستگیر دەکرێن کە دوانیان ژنە، بەگوێرەی ڕاگەیەندراوێکی رۆژنامەنوسی دەزگای ئاسایشی هەرێم کە وێنەیەکی بۆ PUKMEDIA نێردراوە ئاشکرایدەکات هێزەکانی بەڕێوەبەرایەتی ئۆپراسیۆنی دەزگای ئاسایشی هەرێم دوو گروپی تیرۆریستی ئاشکرادەکات کە لە ڕێگای تۆڕە کۆمەڵایەتییەکانەوە فکرەی توندڕەوی د*اع*ش*یان بڵاودەکردەوە.


لە راگەندراوەکەدا هاتووە ڕۆژی ٢٠٢٣/١٠/٢١ بەڕێوەبەرایەتی ئۆپراسیۆنەکانی دەزگای ئاسایشی هەرێم زانیارییان دەستکەوت لەسەر دوو گروپ لە دەڤەری ( پشدەر و بتوێن )لەڕێگای تۆڕەکۆمەڵایەتییەکانەوە فکرەی توندڕەویان وەرگرتووە و  پیلانیان هەبووە بچنە ڕیزەکانی داعش و ببنە چەکداری ئەو گرووپە تیرۆریستی یە.


"دوای بەدواداچوون و کۆکردنەوەی زانیاری و دەستخستنی بەڵگەی دروست لەسەر مەرامی تیرۆریستان و ناو و ناونیشانیان، ماوەی ٢٠ رۆژ خرانە ژێرچاودێری بەردەوام و  پاشان بەڕەزامەندی دادوەر لە ئۆپراسیۆنێکدا ٢٠٢٣/١٢/١٥لە قەڵادزێ ( ١٠)تیرۆریست  دەستگیرکران و دووانیان ئافرەتن"  لە راگەیەندراوەکەدا هاتووە.

هەر بەپێی راگەیەندراوەکە لێکۆڵینەوەکان چڕکرانەوە و لە هەڵمەتێکی بەرفراوان و چەند ئۆپراسیۆنێکی جیاجیای هێزەکانی ئۆپراسیۆن لە٢٠٢٣/١٢/١٧ لە ڕانیە ، قەڵادزێ ، ژاراوە ، حاجی ئاوا ، شکارتە ( ٢٠ )تیرۆریستی تر دەستگیرکران و ڕووبەڕوی یاساکرانەوە.

سەرئەنجام بەپێی لێکۆڵینەوەکان دەرکەوت ئەم گروپەی تیرۆریستیەی د*ا*ع*ش لە ڕێگای تۆڕەکۆمەڵایەتییەکانەوە بانگەشەیان بۆ بڵاوکردنەوەی فکری توندڕەوی داعش کردوە چەندین جار پیلانیان داناوە هیجرەت بکەن بەڵام بە بڕیاری د*اع*ش کە پەیوەندی راستەوخۆیان هەبووە لەگەڵیان لەناو شارەکان هێڵراونەتەوە تا بەنهێنی بانگەشە بۆ د*اع*ش بکەن و گروپەکانیان بەرفراوانتر بکەن.

PUKMEDIA