ئاسایش پێنج تۆمەتبار دەستگیردەکات

PUKMEDIA

تاوانە ئەلیکترۆنییەکان

هێزەکانی بەڕێوەبەرایەتی ئاسایشی راپەڕین پێنج تۆمەتباری خراپ بەکارهێنانی ئامێرەکانی پەیوەندیکردنی دەستگیرکرد.

بەڕێوەبەرایەتی ئاسایشی ڕاپەڕین لە راگەیەندراوێکیدا کە وێنەیەکی بۆ PUKMEDIA نێردراوە تێیدا هاتووە: "لەسەر سکاڵای چەند هاووڵاتیەک بەهۆی هاککردنی ئەکاونتی کەسی و هەڕەشەکردن و ناو زڕاندن و داواکردنی پارە، لەبەرامبەر سڕینەوەی وێنە و ڤیدیۆ تایبەتەکانیان، دوای لێکۆڵینەوە و بەدواداچونیان توانرا شوێنی تۆمەتباران دەستنیشان بکرێت و دەستگیربکرێن و لەئێستادا تۆمەتباران بەپێی ماددەی (٢) لە یاسای خراپ بەکارهێنانی ئامێرکانی پەیوەندی کردن راگیراون".

لە راگەیەندراوەکەی ئاسایشدا ئاماژە بەوەشدراوە: "لەکاتی بوونی هەڕەشەی تاوانە ئەلیکترۆنییەکان پەیوەندی بکەن بە هێڵی (٢٤)کاتژمێری بەشی (تاوانە ئەلیکترۆنییەکان) لەدەزگای ئاسایشی هەرێم بەم ژمارە (٠٧٧٠٣٩٠٦٢٢٣) یاخود لەڕێگەی ناردنی نامە بۆ پەیجی فەرمی دەزگای ئاسایشی هەرێم".
PUKMEDIA