نوێنەران 'سزای دارایی' پەرلەمانتارە غائیبەکانی دەدات
عیراق 11:00 AM - 2024-02-13ئەنجومەنی نوێنەرانی عیراق
هەر پەرلەمانتارێکی عیراق ئامادەی دانیشتنەکانی ئەنجومەنی نوێنەران و
لیژنەکان نەبێت سزای دارایی دەدرێت، ئەندامێکی ئەنجومەنی نوێنەرانی عیراقیش دەڵێت:
"بڕیارەکە لەم مانگەوە کەوتۆتە بواری جێبەجێکردنەوەو لە دانیشتنەکانی
پەرلەمان ئامادەنەبون تۆمار دەکرێت و بۆ
هەر غیابێک بڕی یەک ملیۆن دینار لە موچەکەی دەبڕدرێت و کەدەکاتە، یەک لەسەر حەوتی
مووچەکەی".
پەرلەمانتاران سزای یاسایی دەدرێن
وەک سزایەک لەبەرامبەر ئامادەنەبونیان لە دانیشتنەکانی ئەنجومەنی نوێنەران و کۆبونەوەی لیژنەکان، سەرۆکایەتی پەرلەمانی عیراق بڕیاری سزای دارایی بەسەر نوێنەراندا دەدات.
د. بڕیار رەشید ئەندامی فراکسیۆنی یەکێتی لە ئەنجومەنی نوێنەرانی عیراق بە سایتی رەسمی یەکێتیی نیشتمانیی کوردستان PUKMEDIA ی راگەیاند: "لەگەڵ ئەوەی بەشێکی زۆر لە پەرلەمانتاران ئاماددەی دانیشتنەکانی پەرلەمان نەدەبوون سەرۆکایەتی پەرلەمان بڕیاریدا هەر پەرلەمانتارێک ئامادەی دانیشتنەکانی پەرلەمان یان ئامادەی کۆبونەوەی لیژنەکان نەبێت، سزای دارایی دەدرێت".
"بەپێی بڕیارەکەی سەرۆکایەتی پەرلەمان بۆ هەر ئامادە نەبونێکی دانیشتنی پەرلەمان بڕی یەک ملیۆن دینار لەمووچەکەی دەبڕدرێت، هەروەها لەبەرامبەر هەر ئامادەنەبونێک لە کۆبونەوەی لیژنەکان بڕی 500 هەزار دیناری لێدەبڕدرێت"، د. بڕیار رەشید وای وت.
سزای پەرلەمانتار هەتا وەرگرتنەوەی متمانە دەڕوات
بەپێی ئەو بڕیارەی ئەنجومەنی نوێنەران کەلە مانگی شوباتەوە جێبەجێ دەکرێت هەر پەرلەمانتارێک یەک ملیۆن دینار سزای دارایی دەدرێت بۆ ئامادەنەبونی یەک دانیشتن و ئەگەر گەیشتە سێ دانیشتن متمانەی لیەک ملیۆن دینار سزای دارایی دەدرێت بۆ ئامادەنەبونی یەک دانیشتن و ئەگەر گەیشتە سێ دانیشتن متمانەی لێ وەردەگیرێتەوە.
یوسف کلابی ئەندامی سەربەخۆی ئەنجومەنی نوێنەرانی عیراق بە سایتی رەسمی یەکێتیی نیشتمانیی کوردستان PUKMEDIA ی راگەیاند: "بەپێی بڕیارەکەی سەرۆکایەتی پەرلەمان ئەگەر هەر پەرلەمانتارێک سێ دانیشتن لەدوای یەک ئامادە نەبێت، سزاکەی زیاتر دەبێت، تا دەگاتە وەرگرتنەوەی متمانەی پەرلەمانتاری".
"پەرلەمانتاران مووچەی مانگانەیان حەوت ملیۆن دینارە، بۆ هەر ئامادەنەبونێکیش لە دانیشتنەکانی پەرلەمان، یەک لەسەر حەوتی مووچەکەی لێدەبڕێت، کەدەکاتە یەک ملیۆن، هەروەها بۆ ئامادەنەبونیش لە کۆبونەوەی لیژنەکان، یەک لەسەر چواردەی مووچەکەی لێ دەبڕێت"، لەبارەی بڕیارەکەشەوە کلابی رایگەیاند: "بڕیارەکەی سەرۆکایەتی پەرلەمان لەجێی خۆیایەتی و ئێمە کە نوێنەری خەڵکین لە ئەنجومەنی نوێنەران پێویستە زیاتر پابەندی یاسا و بڕیارەکان بین".
لە خولی پێنجەمی ئەنجومەنی نوێنەرانی عیراقدا 329 ئەندامی پەرلەمان بوونی هەیە و دابەشکراون بەسەر 25 لیژنەی هەمیشەیدا و زیاتر لە دوو ساڵە دەستبەکارن، ئەمەش لە کاتێکدایە کە ڕۆژی ١٤/١١/٢٠٢٣، دادگای باڵای فیدراڵی عیراق، بە تۆمەتی (ساختەكردنی ئیمزای پەرلەمانتار لەیس دلێمی) ئەندامێتی محەمەد حەلبووسی، سەرۆكی پەرلەمانی عیراقی هەڵوەشاندەوە و لەوکاتەشەوە تا ئەمڕۆ سونەکان نەیاتوانیوە لەنێوان خۆیاندا کەسێک بۆ ئەو پۆستە دەستنیشان بکەن، ئەمەش کاریگەری زۆری لەسەر پەرت بونی فراکسیۆنەکان و ئامادەنەبونی بەشێکی زۆری ئەندامانی پەرلەمان، بەتایبەت پەرلەمانتارانی سوننە دروستکردوەو ئامادەی دانیشتنەکانی ئەنجومەنی نوێنەرانی عیراق نابن.
PUKMEDIA
هەواڵی زیاتر
-
باڵیۆزی یهكێتیی ئهوروپا: زیاتر هاوکاری عیراق و هەرێم دەبین
04:34 PM - 2024-04-27 -
هێرشە درۆنیەكەی كۆرمۆر كاردانەوەی نێودەوڵەتی لێدەكەوێتەوە
10:11 AM - 2024-04-27 -
قوباد تاڵەبانی بۆ خوێندکاران: بەسیاسەتی چەپکە گوڵەکەی مام درێژە بەخەبات بدەن
07:59 PM - 2024-04-26 -
داهاتی یەک هەفتەی سلێمانی زیاتر لە 20 ملیارە
09:29 AM - 2024-04-26
ئەمانەش ببینە
وەزارەتی دەرەوەی ئیمارات: پەلامارەكەی كۆرمۆر تیرۆریستی و پێشێلكاری نێودەوڵەتییە
05:44 PM - 2024-04-27
قائیمقامی چەمچەماڵ: دوو وەفدی هەرێم و عیراق سەردانی کۆرمۆر دەکەن
11:17 AM - 2024-04-27
داوای لێکۆڵینەوەی بەپەلە لە هێرشە درۆنییەکەی کۆرمۆر دەکرێت
09:51 PM - 2024-04-26
قوباد تاڵەبانی: لێکۆڵینەوەی ورد لەو هێرشە درۆنییەی کۆرمۆر بکرێت
08:58 PM - 2024-04-26
زۆرترین خوێنراو
-
یەمەن ناوی کوژراو و بریندارەکانی کێڵگەی کۆرمۆر ئاشکرا دەکات
جیهان 06:17 PM - 2024-04-27 -
وەزارەتی دەرەوەی ئیمارات: پەلامارەكەی كۆرمۆر تیرۆریستی و پێشێلكاری نێودەوڵەتییە
جیهان 05:44 PM - 2024-04-27 -
باڵیۆزی یهكێتیی ئهوروپا: زیاتر هاوکاری عیراق و هەرێم دەبین
جیهان 04:34 PM - 2024-04-27 -
قائیمقامی چەمچەماڵ: دوو وەفدی هەرێم و عیراق سەردانی کۆرمۆر دەکەن
کوردستان 11:17 AM - 2024-04-27 -
هێرشە درۆنیەكەی كۆرمۆر كاردانەوەی نێودەوڵەتی لێدەكەوێتەوە
کوردستان 10:11 AM - 2024-04-27 -
داوای لێکۆڵینەوەی بەپەلە لە هێرشە درۆنییەکەی کۆرمۆر دەکرێت
کوردستان 09:51 PM - 2024-04-26 -
قوباد تاڵەبانی: لێکۆڵینەوەی ورد لەو هێرشە درۆنییەی کۆرمۆر بکرێت
کوردستان 08:58 PM - 2024-04-26 -
قوباد تاڵەبانی بۆ خوێندکاران: بەسیاسەتی چەپکە گوڵەکەی مام درێژە بەخەبات بدەن
کوردستان 07:59 PM - 2024-04-26