نوێنەران لەسەر پێشێلكاریی سەروەریی عیراق كۆدەبێتەوە

PUKMEDIA

ئەنجومەنی نوێنەرانی عیراق

بڕیارە ئێوارەی ئەمڕۆ شەممە، ئەنجومەنی نوێنەرانی عیراق كۆبوونەوەیەك بكات بۆ گفتوگۆكردن لەسەر ئەو پێشێلكاریی و سنووربەزاندانەی دەكرێنەسەر عیراق.

بەگوێرەی كارنامەی دانیشتنەكەی ئەمڕۆ 10/2/2024 كە وێنەیەكی بۆ سایتی رەسمی یەكێتیی نیشتمانیی كوردستان PUKMEDIA نێردراوە، كۆبوونەوەكە سەعات 5ی ئێوارە دەكرێت و رایدەگەیەنێت : "بۆ گفتوگۆكردنە لەسەر ئەو دەستدرێژییانەی دەكرێنە سەر سەروەریی عیراق".

كەریم شكور جێگری سەرۆكی فراكسیۆنی یەکێتیی نیشتمانیی کوردستان لە ئەنجومەنی نوێنەرانی عیراق بە PUKMEDIA ی راگەیاند: "پێشێلکارییەکانی سەروەری خاکی عیراق و دەستوەردان لە کاروباری ناوخۆی عیراق لە ساڵی 2003ـەوە دەستیپێکردووە، بۆ راگرتنیشی یەکدەنگی و یەکگرتوویی پێویستە".

"وەکو یەکێتی لەگەڵ ئەوەداین بە گفتوگۆ کێشەکان چارەسەر بکرێت و لەگەڵ توندوتیژی نین، دەستوەردانەکانیش بۆئەوە دەگەڕێتەوە کە بۆچوونێکی جێگیر و یەکدەنگ لە عیراقدا نییە، وڵاتەکە وایلێهاتووە کە سەروەریەکەی پێشێل دەکرێت"، کەریم شکور وادەڵێت.

PUKMEDIA