بازرگانێک بە 2کیلۆ کریستاڵەوە بەبرینداری دەستگیر دەکرێت

PUKMEDIA

لۆگۆی دەزگای ئاسایشی هەرێم

بازرگانی ماددەی هۆشبەر بەچەک رووبەروی هێزێکی ئاسایش دەبێتەوە، سەرەنجام بازرگانەکانەکە بە 2 کیلۆگرام کریستاڵەوە دەستگیر دەکرێت. 

بەگوێرەی ڕاگەیەندراوێکی رۆژنامەنوسی دەزگای ئاسایشی هەرێم کە وێنەیەکی بۆ سایتی رەسمی یەكێتیی نیشتمانیی كوردستان PUKMEDIA نێردراوە، ئەم روداوە رۆژی 8ی 2ی2024 لە ناحیەی تەکیە بووە. 

لە راگەیەندراوەکەدا هاتووە:" بەفەرمانی دادوەری لێکۆڵینەوە، هێزەکانی ئاسایش هەوڵی دەستگیرکردنی بازرگانێکی ماددەی هۆشبەریاندا، لەئەنجامدا تۆمەتبار بەچەک ڕووبەڕوی هێزەکە بۆتەوە" 

"بازرگانەکە بە برینداری دەستگیرکراوە دوو گیلۆگرام ماددەی کریستاڵ دەستی بەسەرداگیراوە" لە راگەندراوەکەدا هاتووە. 

ئۆپەراسیۆنەکە لە چوارچێوەی دەستگیرکردنی سەرجەم ئەندامانی ئەو باندە بازرگانەبوون، کە رۆژی 8ی2 دوا تۆمەتباریان بە برینداری لەلایەن بەڕێوەبەرایەتی نەهێشتنی ماددە هۆشبەرەکان و بەهەماهەنگی بەڕێوەبەرایەتی ئاسایشی ڕۆژئاوا دەستگیرکرا.

PUKMEDIA