دەیان كەسایەتی دیاری عیراق تاجەگوڵینەی وەفا لەسەر مەزاری مام دادەنێن

شاڵاو ئەحمەد

دەیان كەسایەتی دیاری عیراق تاجەگوڵینەی وەفا لەسەر مەزاری مام دادەنێن

زیاتر لە 60 كەسایەتی دیاری عیراقی، سەردانی مەزاری سەرۆك مام جەلال-یان لە دەباشان كردو تاجەگوڵینەی رێزو وەفایان لەسەر مەزارەكەی دانا.

لەو سەردانەدا كە  هەڤاڵ لەتیف نێروەیی ئەندامی سەركردایەتی و لێپرسراوی بۆردی راگەیاندن یاوەری وەفدی میوان بوو، لەوتەیەكدا بەناوی یەكێتیی نیشتمانیی كوردستانەوە بەخێرهاتنی وەفدەكەی كرد.

هەروەك رۆڵی سەرۆك مام جەلالی وەبیرهێنایەوە لە پشتیوانی سەرجەم توێژەكان، بەتایبەت نوسەر و رۆشنبیر و روناكبیر و هونەرمەندان بەبێ جیاوازی.

 شاهۆ عوسمان جێگری پارێزگاری سلێمانی بۆ كاروباری كارگێڕی كە یاوەری وەفدەكە بوو بە  PUKMEDIA ی راگەیاند: "زیاتر لە 60 كەسایەتی دیاری عیراق بۆ بەشداریكردن لە كەرنەڤاڵێك هاتوونەتە سلێمانی و سەردانی مەزاری سەرۆك مام جەلال-یان كرد" .

 ئێوارەی 7ی2 وەفدەكە سەردانی  مەزاری سەرۆك مام جەلال_یان لە دەباشان كردو تاجەگوڵینەی رێزو وەفایان لەسەر مەزارەكەی دانا و رۆڵی سەرۆك مام جەلالیان لە ئاشتی و پێكەوەژیان لە عیراق بەرزنرخاندو بە سەمامی ئەمانی عیراق وەسفیان كرد. 

PUKMEDIA