_1.png)
یەکەم کۆبونەوەی ئەنجومەنی پارێزگای کەرکوک دواخرا
کوردستان 05:18 PM - 2024-02-05
PUKMEDIA
کۆبونەوەی ئەنجومەنی پارێزگای کەرکوک
لەگەڵ ئەوەی بڕیاربوو ئەمڕۆ ٥-٢-٢٠٢٤ یەکەمین کۆبونەوەی ئەنجومەنی هەرسێ پارێزگای جێناکۆکی کەرکوک و نەینەوا و دیالە ئەنجام بدرێت، بەڵام تەنها لە پارێزگای نەینەوا ئەنجومەنی پارێزگاکە توانی پارێزگار و سەرۆکێکی نوێ بۆ ئەنجومەنەکە هەڵبژێرێت.
کۆبونەوەی ئەنجومەنی پارێزگای کەرکوک دواخرا
رێبوار تەها سەرۆکی هاوپەیمانی کەرکوک هێز و ئیرادەمانە لە کۆنگرەیەکی رۆژنامەوانیدا رایگەیاند: "بەهۆی ئامادەنەبوونی ئەندامانی فراکسیۆنە عەرەب و تورکمانەکان و بایکۆتکردنی یەکەم دانیشتنی ئەنجومەنەکە نەتوانرا رێژەی یاسایی ئەندامانی ئامادەبوی ئەنجومەن تەواوبکرێت و بەو هۆیەشەوە دانیشتنەکە دواخرا".
"هیچ رێگە چارەیەکی دیکەمان جگە لە رێککەوتن نییە و پێویستە ئەو ئەرکەی خراوەتە سەر شانمان بەباشی بۆ خزمەتی کەرکوکییەکان رایپەڕێنین"، رێبوار تەها وای وت.
پارێزگار و سەرۆکی ئەنجومەن بۆ نەینەوا هەڵبژێردرا
هاوکات کۆبونەوەی ئەنجومەنی پارێزگای نەینەوا ئەنجامدرا و عەبدولقادر دەخیل وەک پارێزگاری نوێی نەینەوا هەڵبژێردرا و هەروەها ئەنجومەنەکە د. ئەحمەد حاسودی وەک سەرۆکی نوێی ئەنجومەنی پارێزگای نەینەوا هەڵبژارد.
کۆبونەوەی ئەنجومەنی پارێزگای دیالە هەڵگیرا
لەهەمان کاتدا لەگەڵ ئەوەی کۆبونەوەی ئەنجومەنی پارێزگای دیالە بەڕێوەچوو، بەڵام بەهۆی نەهێنانی دەنگی پێویست لەلایەن هیچ کام لە کاندیدەکانەوە و نەگەیشتنە رێککەوتنێک لەنێوان لایەنەکان کۆبونەوەکە بە کراوەیی هەڵگیرا بۆ کاتێکی نادیار.
ئەمەش لە کاتێکدایە جگە لەم سێ پارێزگایە لەچەند پارێزگایەکی دیکەی عیراقیش یەکەم کۆبونەوەی ئەنجومەنی پارێزگاکان بەڕێوەچوو، تێیدا پارێزگار و سەرۆکی ئەنجومەنی نوێ بۆ پارێزگاکە هەڵبژێردران.
رۆژی 18-12-2023 هەڵبژاردنی گشتی ئەنجومەنی پارێزگاکانی عیراق جگە لە سێ پارێزگاکەی هەرێم، لە 15 پارێزگای عیراق بەڕێوەچوو، دوای پرۆسەکەش کۆمسیۆنی باڵای سەربەخۆی هەڵبژاردنەکانی عیراق، رۆژی 14-1-2024 ئەنجامی کۆتایی هەڵبژاردنی پارێزگاکانی راگەیاند، کەیەکێتیی نیشتمانیی کوردستان لە کەرکوک 5 کورسی و لە نەینەوا 2 کورسی و لە دیالە 1 کورسی و لە سەڵاحەدینیش 1 کورسی بەدەستهێنا، کە تاکە حزبی کوردستانی بوو لەهەر چوار پارێزگا جێناکۆکەکان کورسی بەدەست بهێنێت.
PUKMEDIA
کۆبونەوەی ئەنجومەنی پارێزگای کەرکوک
کۆبونەوەی ئەنجومەنی پارێزگای دیالە
هەواڵی زیاتر
-
جێگری سەرۆکی هەرێم لە رۆژی نیشتمانیی فەرەنسا بەشدار بوو
10:19 PM - 2026-07-14 -
ترەمپ: گەلی عیراقمان خۆشدەوێت
06:33 PM - 2026-07-14 -
ئاگرەکەی گوندی ژاژڵە لە تەشەنەی بەردەوامدایە
04:09 PM - 2026-07-14 -
ترەمپ: هێشتا ئەگەری رێککەوتن لەگەڵ ئێران هەیە
10:43 AM - 2026-07-14
ئەمانەش ببینە
.png)
ناوی فڕۆکەخانەی نێودەوڵەتیی سلێمانی گۆڕا بە فڕۆکەخانەی نێودەوڵەتیی جەلال تاڵەبانی
06:36 PM - 2026-07-14
سبەینێ دابەشکردنی مووچەی مانگی حوزەیران دەستپێدەکات
03:34 PM - 2026-07-14
قوباد تاڵەبانی: دەبێت پڕۆژەی ئاوی گۆپتەپە – چەمچەماڵ لە کاتی خۆیدا تەواو بێت
02:07 PM - 2026-07-14
جێگری سەرۆکی هەرێم رۆڵی هێزی هاوپەیمانیی ئەڵمانیای بەرز نرخاند
12:58 PM - 2026-07-14
زۆرترین خوێنراو
-
لە یادی رووخانی سیستمی پاشایەتیدا، عیراق دەوڵەتی کودەتا و میلیشیا
بیروڕا 01:43 PM - 2026-07-14 -
جێگری سەرۆکی هەرێم رۆڵی هێزی هاوپەیمانیی ئەڵمانیای بەرز نرخاند
کوردستان 12:58 PM - 2026-07-14 -
ترەمپ: هێشتا ئەگەری رێککەوتن لەگەڵ ئێران هەیە
جیهان 10:43 AM - 2026-07-14 -
ئەفسەرێكی كوردی بەشداربوو چیرۆكی رووداوەكانی شۆڕشی 14ی تەموز دەگێڕێتەوە
کوردستان 10:24 AM - 2026-07-14 -
مەرجەکانی بوون بە ئەندام لە سەندیکای رۆژنامەنووسان دەگۆڕدرێت
کوردستان 09:58 AM - 2026-07-14 -
جەنگەکان نرخى نەوت بەرز دەکاتەوە
جیهان 09:53 AM - 2026-07-14 -
(14)ی تەمموز؛ شۆڕشێک کۆماریی هێنا، یان کودەتایەک دەرگای خوێنی کردەوە؟
بیروڕا 09:53 AM - 2026-07-14 -
سەرۆک وەزیرانى عیراق لە واشنتۆن لەگەڵ نێردەی تایبەتی سەرۆکی ئەمریکا کۆبووەوە
عیراق 09:30 AM - 2026-07-14
هەواڵەکان دەنێرین بۆ مۆبایلەکانتان
ئەپڵیکەیشنی
دابەزێنە
