لە پارێزگا جێناكۆكەكان یەكەمین دانیشتنی ئەنجومەنی پارێزگاكان بەڕێوەدەچێت

PUKMEDIA

ئەنجومەنی پارێزگاكانی كەركوك و دیالەو نەینەوا

سبەینێ دوو شەممە 5-2-2024، لە پارێزگا جێناكۆكەكان، یەكەمین دانیشتنی ئەنجومەنی نوێی پارێزگای كەركوك، ئەنجومەنی نوێی پارێزگای دیالەو ئەنجومەنی نوێی پارێزگای نەینەوا بەڕێوەدەچێت.

بڕیارە سەعات یەكی پاشنیوەڕۆی دوو شەممە یەكەمین دانیشتنی ئەنجومەنی نوێی پارێزگای دیالە و سەعات دووی هەمان رۆژ دانیشتنی ئەنجومەنی نوێی پارێزگای نەینەوا بەڕێوەبچێت.

هاوكات هەر سبەینێ ئەنجومەنی نوێی پارێزگای كەركوك بە سەرپەرشتی بە تەمەنترین ئەندامی ئەنجومەنكە، یەكەمین كۆبوونەوەی خۆی ئەنجامدەدات.

ئەمەش لە كاتێكدایە ئەمڕۆ 4-2-2024 ئەنجومەنی پارێزگای سەڵاحەدین یەكەم كۆبوونەوەی خۆی ئەنجامدا و تێیدا پارێزگار و سەرۆكی ئەنجومەن و جێگرەكەی هەڵبژێردران.


رۆژی 29ی كانوونی دووەمی ئەمساڵ كۆمسیۆنی هەڵبژاردنی عیراق ئەنجامی كۆتایی هەڵبژاردنی ئەنجومەنی پارێزگاكانی راگەیاند و كاندیدە دەرچووەكانی لە دادگا سوێندی یاساییان خوارد، بەپێی یاساش پێویستە لە ماوەی دوو هەفتەدا سەرۆك و جێگری سەرۆكی ئەنجومەنی پارێزگا و پارێزگار هەڵبژێردرێن.

PUKMEDIA