بازرگانێك بەیەك كیلۆ ماددەی هۆشبەرەوە دەستگیر دەكرێت

PUKMEDIA

لۆگۆی ئاسایش

بەڕێوەبەرایەتی ئاسایشی راپەڕین دەستگیركردنی بازرگانێكی ماددەی هۆشبەر بە یەك كیلۆ كریستاڵەوە رادەگەیەنێت.

لە راگەیەندراوێكی دەزگای ئاسایش كە كۆپییەكی بۆ PUKMEDIA نێردراوە راگەیەندراوە: "هێزەكانی ئاسایشی راپەڕین بە هەماهەنگی بەڕێوەبەرایەتی نەهێشتنی ماددە هۆشبەرەكانی دەزگای ئاسایش، دوای بەدواداچوون و چاودێریكردنی ورد بە بڕیاری دادوەر لە ڕۆژی 2-2-2024، توانیان بازرگانێكی ماددەی هۆشبەر لەنزیك ناحیەی ژاراوەی ئیدارەی راپەڕین دەستگیربكەن و دەستبگرن بەسەر بڕی یەك كیلۆ گرام ماددەی هۆشبەر لە جۆری كریستاڵ".

ئاماژە بەوەشدراوە: "لە ئێستادا تۆمەتبار بەماددەی 26 لەیاسای بەرەنگاربوونەوەی ماددە هۆشبەرەكان و كارتێكارە ئەقڵییەكان راگیراوە و لێكۆڵینەوە لە دۆسییەكەی بەردەوامە".

PUKMEDIA