لەدایکبوانی 2006 دەتوانن کارتی دەنگدان بەدەستبهێنن

PUKMEDIA

کۆمسیۆن

کۆمسیۆنی باڵای سەربەخۆی هەڵبژاردنەکانی عیراق ماوەی ٢٠ رۆژی داناوە بۆ هەموو ئەو کەسانەی هەتا ئێستا کارتی دەنگدانیان نییە بەتایبەت ئەوانەی موالیدیان ٢٠٠٦ ە، تا بتوانن دروستی بکەن و بەشداری هەڵبژاردنی داهاتوو بکەن.

هەژار محەمەد تۆفیق لێپرسراوی بەشی هەڵبژاردن لە دیمانەکەی رۆژنامەوانیدا رایگەیاند: "کۆمسیۆنی باڵای سەربەخۆی هەڵبژاردنەکانی عیراق پرۆسەی هەڵبژاردنی پەرلەمانی کوردستان بەڕێوەدەبات و ئەوانیش سیستمی کارکردنی خۆیان هەیە و لە ئێستادا ماوەی ٢٠ رۆژیان داناوە بۆ ئەو کەسانەی موالیدیان ٢٠٠٦ ە هەتا بتوانن بایۆمەتری دەربهێنن".

"ئەم پرۆسەیە هەموو ئەو کەسانەش دەگرێتەوە کەهەتا ئێستا بایۆمەترییان نەکردوەو کارتی دەنگدانیان نییە، دەتوانن لەو ماوەیەدا کە دانراوە پرۆسەکە ئەنجام بدەن"، هەژار محەمەد وای وت.

PUKMEDIA