ئەمیرو تیرۆرستێك دەستگیر دەكرێن

PUKMEDIA

لۆگۆی دژەتیرۆر

پاڵپشت بە زانیاری هەواڵگری، لە ئۆپەراسیۆنێكی هاوبەشی هێزەكانی بەڕێوبەرایەتی گشتیی دژەتیرۆر و هێزەكانی هاوپەیمانان، لە سنووری قەزای چەمچەماڵ، دوو تیرۆریستی داواكراو دەستگیركران.

لە راگەیەندراوێكی رۆژنامەنوسیدا كە وێنەیەكی بۆ سایتی رەسمی یەكێتیی نیشتمانیی كوردستان PUKMEDIA نێردراوە، یەكێك لە تیرۆریستەكان ئەمیری د*ا*عشە بەناوی (م،ف،خ) لەدایكبووی ساڵی 1992ـی موسڵە  لە  دەستپێكی هەڵمەتی ئازادكردنی موسڵ لە شارەكە هەڵهاتووە، ئەویتریشیان ناوی (م،ع،ع) لەدایكبووی ئەسكەندەرییەی بابل، پێشینەی كاری تیرۆری هەبووە لەناو د*ا*ع*ش و هەردووكیان رادەستی یاسا كراون. 

 لە راگەیەندراوەكەدا هاتووە، بەڕێوبەرایەتی گشتیی دژەتیرۆر و هێزەكانی هاوپەیمانان بە درێژایی جەنگی د*ا*ع*ش هەماهەنگبوون لە روبەڕووبوونەوەی مەترسییەكانی تیرۆر، لە پاش جەنگیش لە ئۆپەراسیۆن و كارە هاوبەشەكانیان بەردەوامبوون لەپێناو دەستگیركردن و ڕاوەدوونانی پاشماوەكانی گروپە تیرۆرستییەكان. 

PUKMEDIA