سەرۆك کۆمار: پێویستە هەوڵەکانی چاودێری دارایی بەهێزبکرێن
عیراق 02:00 PM - 2024-01-29کۆبونەوەی سەرۆکایەتی کۆمار
سەرۆك کۆمار د.لەتیف جەمال رەشید لە کۆشکی بەغداد پێشوازیکرد لە عەمار سوبحی خەڵەف سەرۆکی دیوانی چاودێری دارایی.
لە دیدارەکەدا، کە ئەمڕۆ دووشەممە 29-1-2024 بەڕێوەچوو، سەرۆك کۆمار گرنگی بەهێزکردنی هەوڵەکانی چاودێری لە بوارە جیاجیاکانی کاری حکومیدا دوپاتکردەوە، بە جۆرێک کە هاریکاربێت لە پاراستنی سامانی گشتی و پشتیوانی پرۆسەی هەمەلایەنەی گەشەپێدان بێت.
هەروەها سەرۆك کۆمار ئاماژەی بە گرنگی بەرەنگاربونەوەی بێکاری کرد ئەویش لەڕێی وەگەڕخستنەوەی کارگەکان و چالاککردن و هاندانی کەرتی تایبەت تا لە پاڵ کەرتی حکومی بەرپرسیارێتی لەئەستۆبگرێت.
هەروەك جەختیکردەوە لەسەر بایەخی کاراکردنی هاریکاری و گرتنەبەری بنەمای پێکەوەکارکردن لەنێوان دەزگاکانی چاودێری و فەرمانگەکانی دەوڵەت بۆ ئاشکراکردنی سەرپێچییە داراییەکان و پابەندبون بە تێبینییەکانی دیوانی چاودێری دارایی بۆ بەرجەستەکردنی بنەماکانی دەستپاکی و کەمکردنەوەی بەفیڕۆدانی خەرجییەکان و وەبەرهێنانی گونجاو لە باڵەخانە چۆڵکراوەکان دوای نۆژەنکردنەوەیان و ئامادەکردنیان. ئاماژەی بەوەشکرد، کە بایەخی روبەڕوبونەوەی گەندەڵی لە چەسپاندنی ئاسایش و سەقامگیری کەمتر نییە.
هەروەها رۆڵی گرنگی دیوانی چاودێری دارایی بەرزنرخاند، کە وەک دامەزراوەیەکی رەسەن و یەکگرتوو پاڵپشت بە شارەزایی کادرەکانی کاردەکات و بە پەرۆشی و پیشەییانە سورن لەسەر پاراستنی سامانی گشتی.
لە بەرامبەریشدا، سەرۆکی دیوانی چاودێری دارایی رونکردنەوەیەکی وردی بۆ سەرۆك کۆمار خستەڕو، کە تایبەت بوو بە میکانیزمەکانی کارکردنی دیوان و هەماهەنگیکردن لەگەڵ هەردوو دەسەڵاتی جێبەجێکردن و یاسادانان لەبواری بەدواداچوونی راپۆرتی ساڵانە بۆ پاراستنی سامانی گشتی و کەمکردنەوە و نەهێشتنی گەندەڵی.
سەرۆکی دیوانی چاودێری دارایی ئاماژەی بەوەشکرد، قەبارەی خەرجییەکان لە زیادبوندایە و ئەمەش پێویستی بە دوو هێندەکردنی هەوڵەکان هەیە. هەروەها دوپاتیکردەوە چاودێری دارایی کار لەبارەی خانوبەرەی دەوڵەت دەکات و داتایەکی پڕ زانیاری ورد لەبارەیانەوە ئامادە دەکات.
هەر لە دیدارەکەدا گفتوگۆ کرا سەبارەت بە بودجەی گشتی و پەرەپێدانی ئابوریی عێراق و باشترکردنی داهاتی دەوڵەت لەپێناو بەدیهێنانی خۆشگوزەرانی بۆ رۆڵەکانی گەلەکەمان.
PUKMEDIA
هەواڵی زیاتر
-
کۆمسیۆن دەستیکرد بە چاپکردنی وەرەقەی دەنگدان
01:11 PM - 2024-05-06 -
وەزیری کشتوکاڵ: وەک پارێزگاکانی دیکەی عیراق گەنمی جوتیارانی هەرێم وەردەگیرێت
11:14 PM - 2024-05-05 -
قوباد تاڵەبانی بەشداری پرسەی هاوسەری د.فوئاد حسێن دەکات
10:42 PM - 2024-05-05 -
سەرۆک بافڵ بەشداری پرسەی شێخی ئیمارات دەکات
01:36 PM - 2024-05-05
ئەمانەش ببینە
سهرباری رێگرییهكانی حكومهتی ههرێم 102 خێزانی ئاواره گهڕانهوه شهنگال
01:42 PM - 2024-05-05
ئهندامێكی لیژنهی دارایی: تهوتین دواكهوتنی مووچه چارهسهر دهكات
11:47 AM - 2024-05-05
٧٢ هەمین هەفتانەی دیجیتاڵی ئینگلیزی بڵاودەكرێتەوە
09:23 AM - 2024-05-05
وەفدێکی یەکێتی گرێبەستی کشتوکاڵی و وەبەرهێنان لە دوبەی ئیمزا دەکات
07:34 PM - 2024-05-04
زۆرترین خوێنراو
-
ئاگر زیانی ملیۆنان دۆلار لە كاسبكارانی هەولێر دەدات
کوردستان 12:17 PM - 2024-05-06 -
وەزیری کشتوکاڵ: وەک پارێزگاکانی دیکەی عیراق گەنمی جوتیارانی هەرێم وەردەگیرێت
کوردستان 11:14 PM - 2024-05-05 -
قوباد تاڵەبانی بەشداری پرسەی هاوسەری د.فوئاد حسێن دەکات
کوردستان 10:42 PM - 2024-05-05 -
وەفدێکی یەکێتی بەشداری لە جەژنی قیامەی مەسیحیەکان دەکات
ی ن ک 08:56 PM - 2024-05-05 -
شاڵاو کۆسرەت رەسوڵ لەهەولێر بەشداری ژمارەیەک پرسە دەکات
پرسەنامە 07:56 PM - 2024-05-05 -
هاوخەمی قوباد تاڵەبانی بۆ بنەماڵەی خەسرەوی حەمەی محە
پرسەنامە 06:08 PM - 2024-05-05 -
هاوخەمی قوباد تاڵەبانی بۆ کۆچی دوایی عەبدولستار محەمەد
پرسەنامە 04:39 PM - 2024-05-05 -
سهرباری رێگرییهكانی حكومهتی ههرێم 102 خێزانی ئاواره گهڕانهوه شهنگال
کوردستان 01:42 PM - 2024-05-05