ستران عەبدوڵڵا: هەفتەی شەهادەتە بۆ یەکێتی

PUKMEDIA

ستران عەبدوڵلا

ئه‌م هه‌فته‌یه‌ سه‌ره‌تاكه‌ی تا كۆتاییه‌كه‌ی، یادی شه‌هیدان و نیشانه‌ی قوربانیدانی سەرکردە و فەرماندە شەهیدەکانی یەکیتیی نیشتمانیی کوردستانە و پڕە  له‌یادی فه‌ردی و تاكی  فه‌رمانده‌ و سه‌ركرده‌،‌ تا حوزنی به‌ كۆمه‌ڵی شوبات.

ستران عەبدوڵڵا ئەندامی سەركردایەتی یەكێتیی نیشتمانیی كوردستان لە وتارێکیدا کە لەسایتی رەسمیی یەکیتیی نیشتمانیی کوردستان PUKMEDIA بڵاوکراوەتەوە، نوسیویەتی:" ناوی مامه‌ریشه‌ هه‌نووكه‌ دوای نزیكه‌ی چوار ده‌یه‌ هه‌روا ئیلهام به‌خشی نه‌مری و سه‌روه‌ری و یه‌كێتییه‌، ئه‌گه‌رچی، هێشتا گۆڕ‌ی هه‌ر سێ شه‌هید كه‌ پێكه‌وه‌ شه‌ڕ‌یان ده‌كرد و له‌تۆماری داستاندا بۆ یه‌كتریان ده‌سه‌نده‌وه‌، لێك دوورن و مه‌زاری هه‌ر یه‌كێكیان له‌ گوند و ئاواییه‌كه‌، تا ئێستاش مۆنۆمێنتێك نییه‌ پێكیان شاد بكاته‌وه‌".

راشیگەیاندووە:"یادی شه‌هاده‌تی قاره‌مانان لیوا شیركۆ شوانی و لیوا حسێن مه‌نسووره‌، دوو فه‌رمانده‌ی به‌جه‌رگ و ئازای كوردستان كه‌ خه‌رجی ئاره‌ق و فرمێسك نه‌ما بۆ یه‌كێتی و گه‌له‌كه‌مانی نه‌كه‌ن و هه‌ر گیانیان مابوو ئه‌ویشیان له‌ ٣٠ و ٣١ مانگی٢٠١٥ دا به‌خشی و تۆماری سه‌روه‌ری یه‌كێتییان زه‌نگینتر كرد".

هەر لە وتارەکەدا ستران عەبدو عەبدوڵڵا ئاماژەی بەوەشکردووە:"  كاسكێته‌كه‌ی شه‌هید ئارام به‌شێكی جاویدانی دیمه‌نه‌ زیندووه‌كه‌ی یادی هه‌فته‌ یادی شه‌هیده‌كانمانه‌، شه‌هیدێك قه‌ڵه‌م و بازووی راستی و دروستی و چاویلكه‌ی دووربینی ته‌رخانی ستراتیجی دوورمه‌ودای شۆرشی نوێ كردبوو، له‌ ٣١-١-١٩٧٨ له‌ ته‌نگیسه‌ر نیشته‌نی ئه‌به‌دی بۆ خۆی مسۆگه‌ر كرد".

راشیگەیاندووە:" تۆماری دیواربه‌ندی شه‌هیدانی ١ ی شوباتی ساڵی ٢٠٠٤ ده‌یان ناوی ره‌نگاو ره‌نگی كوردانه‌ی لێیه،‌ كه‌ بوونه‌ بانگه‌وازی نه‌ته‌وه‌یی  بۆ كورد و كوردستان كه‌ تێبگه‌ن چۆنی بكه‌ن و چۆنی بڵێن هه‌ولێر هی هه‌مووتانه‌ و تازێ و تازه‌شی هه‌ر چاره‌نووسی هه‌مووتانه"‌.

لەم لینکەوە خوێنەری تەواوی وتارەکە بن:

PUKMEDIA