بازرگانێكی ماددەی هۆشبەر بە 17كیلۆ كریستاڵەوە دەستگیر دەكرێت

PUKMEDIA

لۆگۆی دژەتیرۆر

دژەتیرۆر بازرگانێكی ماددەی هۆشبەر بە بڕی زیاتر لە 17كیلۆ ماددەی هۆشبەر لە جۆری كریستاڵ دەستگیر دەكات و رادەستی یاسای دەكات.

بەگوێرەی راگەیەندراوێكی بەڕێوبەرایەتی گشتیی دژەتیرۆر كە كۆپییەكی بۆ PUKMEDIA نێردراوە راگەیەندراوە: "پاڵپشت بە زانیاری وردی هەواڵگیری، لە ئۆپەراسیۆنێكی هێزەكانی بەڕێوبەرایەتی گشتیی دژەتیرۆر، توانرا بازرگانێكی ماددەی هۆشبەر دەستگیربكرێت، هەروەها دەستبگیرێت بەسەر بڕی 17كیلۆ و 700 گرام لە ماددەی هۆشبەری جۆری كریستاڵ".

هەر بەگوێرەی راگەیەندراوەكەش: "تۆمەتباری دەستگیركراو بەناوی (س،ع،م) لەدایكبووی ساڵی 1989، پێشینەی تاوانی هاوشێوەی هەبووە و چەند جارێكی دیكە بازرگانی بە ماددەی هۆشبەرەوە كردووە، پاش دەستگیركردنی، رادەستی یاسا كرا بە مەبەستی سزادانی".

PUKMEDIA