فراكسیۆنی یەكێتی: سنوور بۆ مەترسی و هێرشەكان دابنرێت

PUKMEDIA

فراکسیۆنی یەکێتیی لە ئەنجومەنی نوێنەرانی عیراق

فراكسیۆنی یەكێتیی نیشتمانیی كوردستان لە ئەنجومەنی نوێنەرانی عیراق بەتوندی هێرشكردنە سەر كێڵگەی غازی كۆرمۆر ئیدانە دەكات و رایدەگەیەنێت: "ئەم بەئامانجگرتنە مەترسی لەسەر ئابوریی عیراق و كوردستان دروست دەكات و هەڕەشەیە لەسەر پێگەی دەوڵەت، هەروەها هێرشە بۆ سەر بژێوی و قوتی خەڵكی سڤیل". 

لە راگەیەندراوێكیدا كە فراكسیۆنی یەكێتی لە ئەنجومەنی نوێنەرانی عیراق  ئەمڕۆ 28-1-،2024 بۆ سایتی رەسمی یەكێتیی نیشتمانیی كوردستان PUKMEDIA ی ناردووە، رایدەگەیەنێت: "ئەم كردەوە ترسنۆكانەیە هیچ بەهایەكی نابێت تەنها كارێكی تێكدەرانەیە" و داوا دەكات: "حكومەتی عیراق سنوورێك بۆ ئەم مەترسیانە دابنێت و لێژنەی ئاسایش وبەرگری لە ئەنجومەنی نوێنەرانی عیراقیش لێژنەیەك بۆ بەدواداچوونی ئەم كردوە تێكدەرانەیە پێكبهێنێت".

دەقی پەیامەكە:
هێرشكردنەسەر كێڵگەی غازی كۆرمۆر لە پارێزگای سلێمانی ئیدانە دەكەی، ئەم بەئامنجگرتنە مەترسی لەسەر ئابوریی عیراق و كوردستان دروست دەكات و هەڕەشەیە لەسەر پێگەی دەوڵەت، هەروەها هێرشكرردنە بۆ سەر بژێو وقوتی خەڵكی سڤیل.

 ئەم كردەوە ترسنۆكانەیە هیچ بەهایەكی نابێت تەنها كارێكی تێكدەرانەیە، وێڕای داوكردنمان لە لێژنەی ئاسایش و بەرگری لە پەرلەمانی عیراق بە پێكهێنانی لێژنەیەك بۆ بەدواداچوونی ئەم كردەوە تێكدەرانەیە، داوا لە حكومەتی عیراق دەكەین سنوورێك بۆ ئەم مەترسیانە دابنێت.

فڕاكسیۆنی یەكێتیی نیشتمانیی كوردستان 
28-1-2024

شەوی 25ی 1ی 2024 هێرشێكی درۆنی كرایە سەر كێڵگەی غازی كۆرمۆر و چەندین ملیۆن هاووڵاتی بێكارەبا بوون، ئەم هێرشەش كاردانەوەی نێودەوڵەتی لێكەوتە و ئەمریكا و بەریتانیا و فەرەنسا هاتنە دەنگ و ئەو پەلامارەیان ئیدانە كرد.

PUKMEDIA