سەرۆكکۆمار: عیراق پەرۆشی بەهێزکردنی پەیوەندییەکانە لەگەڵ ئیسپانیا
عیراق 03:02 PM - 2024-01-25سەرۆککۆمار و وەزیری دەرەوەی ئیسپانیا
سەرۆک کۆمار د.لەتیف جەمال رەشید پێشوازی لە بەڕێز خۆسێ مانوێل وەزیری دەرەوەی ئیسپانیا و وەفدێکی یاوەری کرد و بەڕێز فوئاد حسێن جێگری سەرۆک وەزیران و وەزیری دەرەوەش ئامادەبوو.
لە دیدارەکەدا، کە ئەمڕۆ پێنجشەممە 25-1-2024 لە کۆشکی بەغداد بەڕێوەچو، باس لە پەیوەندییەکانی نێوان هەردوو وڵات لە بوارە جیاجیاکاندا کرا، لەوبارەیەوە سەرۆک کۆمار جەختی لە گرنگی کاری هاوبەش کردەوە بۆ پتەوکردن و بەهێزکردنی پەیوەندییەکانی نێوان عێراق و ئیسپانیا بەشێوەیەک، کە خزمەت بە بەرژەوەندییە هاوبەشەکانی هەردوو گەلی دۆست بکات، هەروەها ستایشی رۆڵی ئیسپانیای لەچوارچێوەی هاوپەیمانێتی نێودەوڵەتیدا کرد بۆ پشتیوانیکردنی عێراق لە شەڕی دژبە داعشدا.
سەرۆك کۆمار پەرۆشیی عێراقی بۆ بەهێزکردنی پەیوەندییەکانی هاریکاری لە بوارەکانی ئابووری، بازرگانی، رۆشنبیری، شوێنەوار، گەشتوگوزار، پیشەسازی و وزەی نوێبووەوە دوپاتکردەوە و ئاماژەی بەوەدا، کە حکومەتی عێراق گرنگییەکی تایبەت دەدات بە چەسپاندنی ئاسایش و سەقامگیری و پەرەپێدان و بەهێزکردنی پەیوەندییەکان لەگەڵ دەوڵەتانی دراوسێ و جیهان.
هەروەك سەرۆك کۆمار داوای لە کۆمپانیا و سەرمایەدارانی ئیسپانیا کرد بۆ کارکردن روو لە عێراق بکەن، سەرەڕای سودوەرگرتن لە شارەزایانی هەردوولا و ئەزمونی ئیسپانیا لە هەردوو بواری گەشتوگوزار و شوێنەواردا.
هاوکات پێویستی هەماهەنگییەکی نێودەوڵەتی بۆ راگرتنی جەنگ دژبە خەڵکی فەلەستین لە غەزەدا دوپاتکردەوە، کە بووەتە کارەساتێکی مرۆیی.
هەروەک جەختیکردەوە لەسەر کارکردن بۆ کەمکردنەوەی گرژییەکان لە ناوچەکەدا و رێگریکردن لە زیادبوون و بەرفراوانبونی قەیرانەکان.
لەم چوارچێوەیەدا سەرۆك کۆمار ئاماژەی بەوەکرد، رووداوەکان لە غەزە و لێکەوتەکانی، بەشێوەیەکی گشتی کاریگەری لەسەر ناوچەکە دروستکردوە و بۆتە هەڕەشە بۆسەر ئاسایش و ئاشتی جیهانی، بۆیە پێویستە کۆمەڵگەی نێودەوڵەتی و ئەوروپی کاربکەن بۆ دانانی نەخشەرێگایەك بۆ دەستبەجێ وەستاندنی پەلامارەکان و دۆزینەوەی چارەسەری کۆتایی بۆ دۆزی فەلەستین بەشێوەیەك، کە داواکارییەکانی گەلی فەلەستین لە بەدەستهێنانی مافە رەواکانی لەخۆبگرێت.
لەلایەن خۆیەوە بەڕێز خۆسێ مانوێل وەزیری دەرەوەی ئیسپانیا، خۆشحاڵی خۆی بە سەردانیکردنی عێراق دەربڕی و ئاماژەی بە پابەندبوونی وڵاتەکەی کرد لە پشتیوانیکردنی ئاسایش و سەقامگیریی عێراق و کارکردن بۆ بەهێزکردنی پەیوەندییە دوو قۆڵییەکان لە بوارە جۆراوجۆرەکاندا.
هەروەها ستایشی پێشکەوتنە ئەرێنییەکانی کرد، کە عێراق لەسەرئاستی ئاسایش و سەقامگیری و پێشکەوتن لەبوارەکانی خزمەتگوزاری و بونیادنانەوە بەخۆوەدەبینێت. خواستی کۆمپانیا ئیسپانییەکانیشی بۆ کارکردن لە عێراقدا دەربڕی. هەروەك سوپاس و پێزانینی بۆ حکومەت و گەلی عێراق راگەیاند لەپای پاراستنی نێردە دیپلۆماسییەکان لەنێویاندا باڵیۆزخانەی ئیسپانیا لە بەغدا.
PUKMEDIA
هەواڵی زیاتر
-
شاڵاو کۆسرەت رەسوڵ: مامۆستایانی ئایینی رۆڵیان لەپێگەیاندنی نەوەکاندا هەیە
06:19 PM - 2024-05-06 -
ئامادەکارییەکان بۆ هەڵبژاردن لە هەولێر بەردەوامە
04:57 PM - 2024-05-06 -
گومان بەسەر ئاگرەكەی قەیسەریدا زاڵ دەبێت
03:40 PM - 2024-05-06 -
کۆمسیۆن دەستیکرد بە چاپکردنی وەرەقەی دەنگدان
01:11 PM - 2024-05-06
ئەمانەش ببینە
سەرۆک بافڵ گەیشتە واشنتن
06:23 PM - 2024-05-06
ئاگر زیانی ملیۆنان دۆلار لە كاسبكارانی هەولێر دەدات
12:17 PM - 2024-05-06
سهرباری رێگرییهكانی حكومهتی ههرێم 102 خێزانی ئاواره گهڕانهوه شهنگال
01:42 PM - 2024-05-05
ئهندامێكی لیژنهی دارایی: تهوتین دواكهوتنی مووچه چارهسهر دهكات
11:47 AM - 2024-05-05
زۆرترین خوێنراو
-
مەکتەبی سکرتارییەت: سامان گەرمیانی وەک قارەمانێک بەشێک بووە لە سەرکەوتنەکان
ی ن ک 01:43 PM - 2024-05-06 -
کۆمسیۆن دەستیکرد بە چاپکردنی وەرەقەی دەنگدان
کوردستان 01:11 PM - 2024-05-06 -
بایەخی سەردانی سەرۆك بافڵ بۆ ئەمریكا
بیروڕا 12:31 PM - 2024-05-06 -
ئاگر زیانی ملیۆنان دۆلار لە كاسبكارانی هەولێر دەدات
کوردستان 12:17 PM - 2024-05-06 -
وەزیری کشتوکاڵ: وەک پارێزگاکانی دیکەی عیراق گەنمی جوتیارانی هەرێم وەردەگیرێت
کوردستان 11:14 PM - 2024-05-05 -
قوباد تاڵەبانی بەشداری پرسەی هاوسەری د.فوئاد حسێن دەکات
کوردستان 10:42 PM - 2024-05-05 -
وەفدێکی یەکێتی بەشداری لە جەژنی قیامەی مەسیحیەکان دەکات
ی ن ک 08:56 PM - 2024-05-05 -
شاڵاو کۆسرەت رەسوڵ لەهەولێر بەشداری ژمارەیەک پرسە دەکات
پرسەنامە 07:56 PM - 2024-05-05