تۆمەتبارانی ڕووداوی کوشتنی پۆلیسەکەی سلێمانی دەستگیردەکرێن

PUKMEDIA

لۆگۆی ئاسایش

لە هەوڵێکی هاوبەشی هێزەکانی (ئاسایش و ئۆپەراسیۆن و کۆماندۆ و پۆلیس)، هەردوو تۆمەتباری تەقەکەر دەستگیرکران، کە بووەهۆی کوشتنی پۆلیسێک لەشەقامی پیرەمێرد لەسلێمانی. 

بەگوێرەی ڕاگەیەندراوێکی دەزگای ئاسایش کە وێنەیەکی بۆ PUKMEDIA نێردراوە تێیدا هاتووە: "دوای ئەوەی شەوی ڕابردوو کاتژمێر ( ١٠ ) بە فەرمانی دادوەری لێکۆڵینەوە، هێزەکانی پۆلیسی نەهێشتنی تاوانی سلێمانی لە شەقامی پیرەمێرد هەوڵی دەستگیرکردنی چەند داواکراوێکیاندا، ڕووبەڕوبونەوەی چەکداری ڕوویدا و بەداخەوە بووە هۆی شەهیدبوونی کۆمیسەرێکی پۆلیس و برینداربونی دوو کارمەندی تر".

PUKMEDIA