فراکسیۆنی یەکێتی: پێشێلكردنی سەروەری عیراق رێگری لێ بكرێت

PUKMEDIA

ئەو ماڵەی موشەکباران کرا

فراكسیۆنی یەکێتی لە ئەنجومەنی نوێنەرانی عیراق ئیدانەی ھێرشە تاوانكاریەكەی شەوی ڕابردوو بۆ سەر شاری هەولێر دەکات و رایدەگەیەنێت: "ھێرشە تاوانكاریەكەی شەوی ڕابردوو بۆ سەر شاری هەولێر شەرمەزار دەكەین و داوا لە حكومەتی عیراق دەکەین رێگری بكرێت لە پێشێلكردنی بەردەوامی وڵاتانی دەورووبەر بۆ سەر سەروەری و خاكی عیراق".

دەقی ڕاگەیەنداوەکە....

ھێرشە تاوانكاریەكەی شەوی ڕابردوو بۆ سەر شاری هەولێر شەرمەزار دەكەین ،كە بەهۆیەوە تەواوی خانەوادەیەكی سڤیل شەهید بوون و ژمارەیەك بریندار بوون.

ئەم جۆرە هێرشانە پێشێلكاریە بۆسەر سەروەری خاكی عێراق و ھەرێمی كوردستان و یاسا وڕێسا نێودەوڵەتییەكان ، بۆیە داوا لە حكومەتی عێراق دەكەین كە پێویستە رێگری بكرێت بۆئەوەی عیراق چیتر نەبێتە قوربانی ململانێكانی ناوچەكە ، وەهەروەها رێگری بكرێت لە پێشێل كردنی بەردەوامی وڵاتانی دەورووبەر بۆسەر سەروەری و خاكی عیراق ، داوا دەكەین حكومەتی عێراق هەڵوێستی جدی بنوێنێت بەرامبەر ئەو هێرشانە بەتایبەت هێرشەكەی شەوی رابردووی سەرشاری هەولێر كە بەهۆیەوە ژمارەیەك هاوڵاتی سڤیل بونە قوربانی و شەهید بوون .

پرسەو سەرەخۆشی خۆمان ئاراستەی خانەوادەی شەهیدانی هێرشە ناڕەواكەی شەوی رابردویی سەر شاری هەولێر دەكەین و هیوای زوو چاك بوونەوە بۆ بریندارەكاندەخوازین .

فركسیۆنی (ی.ن.ك)لە ئەنجومەنی نوێنەرانی عیراق 

PUKMEDIA