شاڵاو کۆسرەت رەسوڵ: رێکخستنەوەی هەرێم پێویستی بەسەروەری یاسایە‍

نوسینگەی رۆژنامەوانی شاڵاو کۆسرەت رەسوڵ

شاڵاو کۆسرەت رەسوڵ

‍ئێوارەی  رۆژی 15ی1  لە بارەگای مەکتەبی سیاسی لە هەولێر، شاڵاو کۆسرەت رەسوڵ بە ئامادەبوونی د. مەجید حەمەدەمین لێپرسراوی مەڵبەندی هەولێر لەگەڵ تیمی یەکێتیی لە حکومەتی هەرێم کۆبووەوە.‍
‍
لە کۆبوونەوەکەدا شاڵاو کۆسرەت رەسوڵ وتەیەکی پێشکەشی  کردو تێیدا باسی لە دوا گۆڕانکاری و پێشهاتەکانی کوردستان و عێراق و ناوچەکە کرد ، دیدی یەکێتی بۆ حوکمڕانی و چارەسەری کێشەکان خستەڕوو و رایگەیاند:"  ئامانجی یەکێتییە لەپێناو قووت و ژیانی خەڵک و چارەسەری بنەڕەتی کێشەی مووچە، کێشەکانی نێوان هەرێم و بەغدا چارەسەر بکرێن" .‍
‍
شاڵاو کۆسرەت رەسوڵ وتیشی:" لە بەرامبەر خەبات و قوربانیدانی خەڵکی کوردستان، یەکێتیی نیشتمانیی کوردستان خۆی بە بەرپرس دەزانێ و هەوڵدەدات بۆ پێشکەشکردنی باشترین خزمەتگوزاری".‍
‍
لەکۆتایی کۆبوونەوەکە گفتوگۆی هەڤاڵانە ئەنجام درا لەبارەی چۆنیەتی کارکردن لە قۆناغەکانی داهاتوو و رۆڵی تیمی یەکێتیی لە حکومەت.‍

شاڵاو کۆسرەت رەسوڵ: رێکخستنەوەی هەرێم پێویستی بەسەروەری یاسایە

لەلایەکی ترەوە هەر دوانیوەڕۆی دووشەممە ١٥/١/٢٠٢٤ لە  هەولێر، شاڵاو کۆسرەت رەسوڵ لەگەڵ پارێزەر و مافپەروەرانی هەولێر کۆبووەوە.

لە کۆبوونەوەکەدا کە د. مەجید حەمەدەمین لێپرسراوی مەڵبەندی هەولێر ئامادەی بوو، شاڵاو کۆسرەت رەسوڵ وتارێکی پێشکەش کردو بەگرنگیەوە باسی لە رۆڵ و کاریگەری پارێزەر و مافپەروەران کرد، رایگەیاند:" ئێوە توێژێکی زۆر گرنگی کۆمەڵگان و داکۆکیکاری سەرسەختی جێبەجێکردن و سەروەربوونی یاسان لە هەرێمی کوردستان؛".

لە بەشێکی تری وتارەکەدا شاڵاو کۆسرەت رەسول باسی لە دۆخی هەرێمی کوردستان و رۆڵی یەکێتیی کردو وتی:" بۆ رێکخستنەوەی هەرێم و سەروەربوونی یاسا پێویستمان بە پشتیوانی پارێزەر و مافپەروەرانە".

PUKMEDIA