یەکێتی و پارتی: لە کەرکوک پێکەوە کاردەکەین
کوردستان 01:41 PM - 2024-01-09کۆبونەوەی یەکێتی و پارتی لەکەرکوک
وەفدێکی مەڵبەندی کەرکوکی یەکێتیی نیشتمانیی کوردستان سەردانی لقی پارتی دیموکراتی کوردستانیان لە شارەکە کرد و هەردوولاش بڕیاریان دا بۆ داهاتووی شارەکە پێکەوە کار بکەن.
لەدوای کۆبونەوەیان لەکۆنگرەیەکی رۆژنامەوانیدا رەوەند مەلا مەحمود لێپرسراوی مەڵبەندی کەرکوکی یەکێتیی نیشتمانیی کوردستان رایگەیاند: "سەردانمان بۆ لای پارتی دیموکراتی کوردستان لە چوارچێوەی ئەو کۆبونەوانەدا دێت کە بڕیاربوو لەدوای هەڵبژاردنی ئەنجومەنی پارێزگاکانی عیراق یەکێتی سەردانی سەرجەم لایەنە کوردسانییەکان بکات، هیچ کێشەیەک لەنێوانماندا نییە".
"جگە لە لایەنە کوردستانییەکان وەک یەکێتی سەردانی پێکهاتەکانیش دەکەین، بەڵام هەردوولامان هاوڕابوین لەسەر ئەوەی کە سەرەتا نێوماڵی کورد یەکبخەین و پاشانیش نامانەوێت هیچ پێکهاتەیەک لە کەرکوک فەرامۆش بکەین، نەک تەنها لە کەرکوک بەڵکوو لەهەموو ناوچە جێناکۆکەکان بیر لەوە دەکەینەوە کە حزبە کوردستانییەکان بەیەکەوە کاربکەن، ئومێدیشمان هەیە کە کورد بتوانێت پۆستی پارێزگاری کەرکوک وەربگرێت"، رەوەند مەلا مەحمود وای وت.
هەر لە کۆنگرەکەدا محەمەد کەمال بەرپرسی لقی پارتی لە کەرکوک رایگەیاند: "لە ئێستا بەدواوە لەگەڵ یەکێتیی نیشتمانیی کوردستان لە کەرکوک پێکەوە کاردەکەین و هەر دەنگۆیەکیش سەبارەت بە رێکەوتنی پارتی لەگەڵ پێکهاتەی عەرەب و تورکمانەکان هەبێت دورە لە راستییەوە".
"واقعی کەرکوک و یاساش رێگە دەدات کە پێویستە سەرجەم پێکهاتەکانی کەرکوک بەیەکەوە کاربکەن و خزمەتی خەڵک بکەن، ئەمەش لای هەردوولامان خاڵی هاوبەشە و کاری لەسەر دەکەین"، محەمەد کەمال وای وت.
پێشتریش ئاسۆ مامەند ئەندامی مەکتەبی سیاسی یەکێتیی نیشتمانیی کوردستان رایگەیاندبوو: "یەکێتی دەیەوێت نێو ماڵی کورد لە کەرکوک و ناوچەجێناکۆکەکانی دیکە یەکبخات و بەیەک کوتلەی کوردییەوە لەگەڵ پێکهاتەکان بچێنە گفتوگۆوە بۆ پێکهێنانی حکومەتی خۆجێی کەرکوک".
لەدوای هەڵبژاردنی ئەنجومەنی پارێزگاکانی عیراق یەکێتیی نیشتمانیی کوردستان و پارتی دیموکراتی کوردستان یەکەم کۆبونەوەی خۆیان لە کەرکوک ئەنجامدا و هەدوولا تاوتوێی چۆنێتی پێکهێنانی حکومەتی خۆجێی کەرکوکیان کرد و هاوڕاشبوون کەنێو ماڵی کورد رێکبخرێت.
ئەمەش لەکاتێکدایە بەپێی ئەنجامی کۆتایی هەڵبژاردنی ئەنجومەنی پارێزگاکانی عیراق کەلەلایەن کۆمسیۆنەوە راگەیەندرابوو، یەکێتیی نیشتمانیی کوردستان لە چوارچێوەی هاوپەیمانی کەرکوک هێز و ئیرادەمانە لەگەڵ حزبی شیوعی کوردستان لە پارێزگای کەرکوک توانی زۆرترین دەنگ بەدەستبهێنێت و ببێتە خاوەنی ٥ کورسی ئەنجومەنی پارێزگاکە، پارتی دیموکراتی کوردستانیش توانی ٢ کورسی ئەنجومەنی پارێزگاکە بەدەستبهێنێت.
PUKMEDIA
هەواڵی زیاتر
-
وەزیری کشتوکاڵ: وەک پارێزگاکانی دیکەی عیراق گەنمی جوتیارانی هەرێم وەردەگیرێت
11:14 PM - 2024-05-05 -
قوباد تاڵەبانی بەشداری پرسەی هاوسەری د.فوئاد حسێن دەکات
10:42 PM - 2024-05-05 -
سەرۆک بافڵ بەشداری پرسەی شێخی ئیمارات دەکات
01:36 PM - 2024-05-05 -
بازرگانێکی نێودەوڵەتی ماددەی هۆشبەر دەستگیردەکرێت
09:06 PM - 2024-05-04
ئەمانەش ببینە
کوردستان 01:42 PM - 2024-05-05 سهرباری رێگرییهكانی حكومهتی ههرێم 102 خێزانی ئاواره گهڕانهوه شهنگال
ئهندامێكی لیژنهی دارایی: تهوتین دواكهوتنی مووچه چارهسهر دهكات
11:47 AM - 2024-05-05
٧٢ هەمین هەفتانەی دیجیتاڵی ئینگلیزی بڵاودەكرێتەوە
09:23 AM - 2024-05-05
وەفدێکی یەکێتی گرێبەستی کشتوکاڵی و وەبەرهێنان لە دوبەی ئیمزا دەکات
07:34 PM - 2024-05-04
سەرۆک بافڵ دەچێتە ئەمریکا
05:24 PM - 2024-05-04
زۆرترین خوێنراو
-
قوباد تاڵەبانی بەشداری پرسەی هاوسەری د.فوئاد حسێن دەکات
کوردستان 10:42 PM - 2024-05-05 -
وەفدێکی یەکێتی بەشداری لە جەژنی قیامەی مەسیحیەکان دەکات
ی ن ک 08:56 PM - 2024-05-05 -
شاڵاو کۆسرەت رەسوڵ لەهەولێر بەشداری ژمارەیەک پرسە دەکات
پرسەنامە 07:56 PM - 2024-05-05 -
هاوخەمی قوباد تاڵەبانی بۆ بنەماڵەی خەسرەوی حەمەی محە
پرسەنامە 06:08 PM - 2024-05-05 -
هاوخەمی قوباد تاڵەبانی بۆ کۆچی دوایی عەبدولستار محەمەد
پرسەنامە 04:39 PM - 2024-05-05 -
سهرباری رێگرییهكانی حكومهتی ههرێم 102 خێزانی ئاواره گهڕانهوه شهنگال
کوردستان 01:42 PM - 2024-05-05 -
سەرۆک بافڵ بەشداری پرسەی شێخی ئیمارات دەکات
ی ن ک 01:36 PM - 2024-05-05 -
ئهندامێكی لیژنهی دارایی: تهوتین دواكهوتنی مووچه چارهسهر دهكات
کوردستان 11:47 AM - 2024-05-05