سەرۆک کۆمار: پشتیوانی هێزە چەکدارەکان دەکەین

نوسینگەی راگەیاندنی سەرۆکایەتی کۆمار

سەرۆک کۆماری عیراق

د.لەتیف جەمال رەشید سەرۆک کۆماری عیراق، لە ساڵیادی دامەزراندنی سوپای عیراقدا، پەیامێکی پیرۆزبایی بڵاوکردۆتەوە و رایدەگەیەنێت: "گەرمترین پیرۆزبایی ئاراستەی رۆڵەکانی هێزە چەکدارە قارەمانەکانمان دەکەین، جەختدەکەینەوە لەسەر پێویستی پشتیوانیکردن لە هێزە چەکدارەکان بە هەموو پێکهاتەکانیەوە لەپێناو بەرەوپێشبردنیان بۆئەوەی ببنە قەڵغانی عیراق و قەڵای پارێزەر و بەدیهێنەری ئاسایش بۆ هاووڵاتیان".

سەرۆک کۆمار پەیامەکەی لە تۆڕی کۆمەڵایەتی X بڵاوکردۆتەوە کە ئەمە دەقەکەیەتی...

لە بیرەوەری 103 ساڵەی دامەزراندنی سوپای عیراقدا، گەرمترین پیرۆزبایی ئاراستەی رۆڵەکانی هێزە چەکدارە قارەمانەکانمان دەکەین، کە شانازی بە خۆیان و قوربانیدان و سەرکەوتنەکانیان دەکەین لە بەرگریکردنیان لە نیشتمان. هاوکات جەختدەکەینەوە لەسەر پێویستی پشتیوانیکردن لە هێزە چەکدارەکان بە هەموو پێکهاتەکانیەوە لەپێناو بەرەوپێشبردنیان بۆئەوەی ببنە قەڵغانی عیراق و قەڵای پارێزەر و بەدیهێنەری ئاسایش بۆ هاووڵاتیان و پاراستنی دەوڵەت و دامەزراوە دەستوورییەکانی.

سڵاو و رێز بۆ گیانی پاکی شەهیدانی سوپا و هێزە چەکدارەکان بە هەموو پێکهاتەکانیەوە.

PUKMEDIA