سەرۆک کۆمار پێشوازی لە باڵیۆزی فەرەنسا دەکات

PUKMEDIA

سەرۆککۆماری عیراق و باڵیۆزی فەرەنسا

سەرۆک کۆمار دکتۆر لەتیف جەمال رەشید پێشوازیکرد لە ئێریک شوڤالیە باڵیۆزی فەرەنسا لە عیراق بەبۆنەی کۆتاییهاتنی ئەرکەکانی.

لە میانی دیدارەکەدا، کە ئەمڕۆ پێنجشەممە 4-1-2024 لە کۆشکی بەغداد بەڕێوەچو، سەرۆک کۆمار جەختیکردەوە لە گرنگی پەرەپێدانی پەیوەندییەکانی نێوان هەردوو وڵات و هەماهەنگی هاوبەش سەبارەت بە پرسە جێ بایەخەکانی هەردوولا.

هەروەها هیوای سەرکەوتنی لە ئەرکەکانی داهاتودا بۆ باڵیۆز شوڤالیە خواست، هەوڵەکانیشی بەدرێژایی ماوەی کارکردنی لە عیراقدا بەرزنرخاند.

لای خۆیەوە باڵیۆزی فەرەنسا سوپاس و پێزانینی خۆی بۆ سەرۆک کۆمار دەربڕی بۆ پاڵپشتیکردنی لە بەهێزکردنی پەیوەندییە دووقۆڵییەکان، جەختیکردەوە لەسەر ویستی هەمیشەیی فەرەنسا بۆ بەهێزکردنی پەیوەندییەکانی لەگەڵ عیراق لەپێناو پاراستنی بەرژەوەندییەکانی هەردوو گەل و وڵاتی دۆست.

PUKMEDIA