مەکتەبی هەڵبژاردن: یەکێتی سەرکەوتنی گەورەی تۆمارکرد‍

ئەرشیف

رزگار حاجی حه‌مه‌ لێپرسراوی مه‌كته‌بی هه‌ڵبژاردنی یەکێتیی نیشتمانیی کوردستان

رزگار حاجی حه‌مه‌ لێپرسراوی مه‌كته‌بی هه‌ڵبژاردنی یەکێتیی نیشتمانیی کوردستان، بەبۆنەی سەرکەوتنی یەکێتی و راگەیاندنی ئەنجامی هەڵبژاردنی ئەنجومەنی پارێزگاکانی عیراق لەلایەن کۆمسیۆنەوە، پەیامێکی بڵاوکردەوە و رایگەیاند:"ئه‌م سه‌ركه‌وتنه‌ مه‌زنه‌ كه‌ به‌ سه‌ركردایه‌تی حه‌كیمانه‌ی سه‌رۆك بافڵ تاڵه‌بانی و ماندووبوونی هه‌موولایه‌كمان تۆمار كرا، سه‌روه‌ریی و شانازییه‌كی گه‌وره‌ی یه‌كێتییه‌كه‌مان و ته‌واوی گه‌له‌كه‌مانه‌، پێشكه‌شی ده‌كه‌ین به‌ روحی پاكی سه‌رۆك مام جه‌لال و شه‌هیده‌ قاره‌مانه‌كان.

راشیگەیاندووە:"پێكه‌وه‌ به‌ره‌و سه‌ركه‌وتنی گه‌وره‌تر له‌ هه‌ڵبژاردنه‌كانی په‌رله‌مانی كوردستان".

دەقی پەیامەکە:

هه‌ڤاڵان/ كادر و ئه‌ندامه‌ دڵسۆزه‌كانی مه‌كته‌بی هه‌ڵبژاردن و به‌شه‌كانی هه‌ڵبژاردن له‌ سه‌رجه‌م مه‌كته‌ب و مه‌ڵبه‌نده‌كان، ته‌واوی كادر و ئه‌ندامه‌ دڵسۆزه‌كانی یه‌كێتیی نیشتمانیی كوردستان:‍
‍
جارێكی دیكه‌ گه‌له‌كه‌مان له‌ ناوچه‌ دابڕێنراوه‌كانی كوردستان به‌ رابه‌رایه‌تی یه‌كێتیی نیشتمانیی كوردستان له‌ هه‌ڵبژاردنی ئه‌نجومه‌نی پارێزگاكانی عێراق، سه‌ركه‌وتنێكی گه‌وه‌ری تۆمار كرد.

رۆڵی كاراتان له‌ به‌ڕێوه‌چوونی هه‌ڵمه‌تی بانگه‌شه‌ی هه‌ڵژاردن به‌شێوه‌یه‌كی رێكوپێك و هێمنانه‌ و  به‌شداریتان له‌ سه‌رخستنی لیسته‌كانی یه‌كێتیی نیشتمانیی كوردستان له‌ هه‌ڵبژاردنی ئه‌نجومه‌نی پارێزگاكانی عێراق، جێگه‌ی ده‌ستخۆشی و سوپاسه‌. ئه‌م سه‌ركه‌وتنه‌ مه‌زنه‌ كه‌ به‌ سه‌ركردایه‌تی حه‌كیمانه‌ی سه‌رۆك بافڵ تاڵه‌بانی و ماندووبوونی هه‌موولایه‌كمان تۆمار كرا، سه‌روه‌ریی و شانازییه‌كی گه‌وره‌ی یه‌كێتییه‌كه‌مان و ته‌واوی گه‌له‌كه‌مانه‌، پێشكه‌شی ده‌كه‌ین به‌ روحی پاكی سه‌رۆك مام جه‌لال و شه‌هیده‌ قاره‌مانه‌كان. 

جارێكی دیكه‌ هه‌وڵ و دڵسۆزی و ده‌نگی ئێوه‌ كوردستانی بوونی ناوچه‌ دابڕێنراوه‌كانی سه‌لماند و ناحه‌زانی گه‌له‌كه‌مانی تووشی شۆك كرد.
دووباره‌ ده‌ستخۆشی له‌ هه‌موو لایه‌ك ده‌كه‌ین... پێكه‌وه‌ به‌ره‌و سه‌ركه‌وتنی گه‌وره‌تر له‌ هه‌ڵبژاردنه‌كانی په‌رله‌مانی كوردستان.‍
‍
رزگار حاجی حه‌مه‌
ئه‌ندامی مه‌كته‌بی سیاسی 
لێپرسراوی مه‌كته‌بی هه‌ڵبژاردن

PUKMEDIA