لەتیف نێروەیی: یەکێتی لەهەڵبژاردنێکی کەم وێنە توانی دەنگەکانی زیاد بکات

PUKMEDIA

لەتیف نێروەی

لێپرسراوی بۆردی راگەیاندنی یەکێتیی نیشتمانیی کوردستان دەڵێت: "یەکێتی لە هەڵبژاردنێکی کەم وێنەدا توانیویەتی نزیكەی 100% دەنگەكانی خۆی زیاد بكات. لەبەرامبەردا دەنگی لایەنە كوردستانیەكان كەمی كردووە، (ی.ن.ك) توانی لە هەڵبژاردنی ئەنجومەنی پارێزگاكان لە ناوچە دابڕێنراوەكان سەركەوتنێكی كەم وێنە بەتایبەتی لە كەركوك بەدەست بێنێت، لەو چوارچێوەیەشدا پسپۆران و شارەزایانی هەڵبژاردن، هەمیشە ئەو راستیە دووپات دەكەنەوە كە ئەگەر ئەمڕۆ هەڵبژاردنەكان كۆتایی پێ بێت، ئەوا دەبێ بۆ سبەینێ و لەپێناو هەڵبژاردنەكانی داهاتوو دەست بە ئامادەكاریی نوێ بكرێت".

لەتیف نێروەیی لێپرسراوی بۆردی راگەیاندنی یەکێتیی نیشتمانیی کوردستان لە وتارێکدا بە ناونیشانی سەركەوتنێكی كەم وێنە و هەڵسەنگاندنێكی بابەتیانەی هەڵبژاردنەكان کە لە بەشی بیروڕای PUKMEDIA بڵاوکراوەتەوە رایدەگەیەنێت: "پسپۆران و شارەزایانی هەڵبژاردن، هەمیشە ئەو راستیە دووپات دەكەنەوە كە ئەگەر ئەمڕۆ هەڵبژاردنەكان كۆتایی پێ بێت، ئەوا دەبێ بۆ سبەینێ و لەپێناو هەڵبژاردنەكانی داهاتوو دەست بە ئامادەكاریی نوێ بكرێت، هەڵبەت ئامادەكارییەكانیش گونجاو نابن، ئەگەر هەڵسەنگاندنێكی بابەتیانە بۆ كۆی رەهەندەكانی هەڵبژاردنی رابردوو نەكرێت، بۆ ئەوەی سود لە خاڵە بەهێزەكان وەربگیرێ و هەوڵی دەست نیشانكردن و چارەسەركردنی خاڵی لاواز و خەوشیەكان بدرێت و لەسەر ئەو بناغەیەش پلانێكی باش بۆ هەڵبژاردنی داهاتوو دابنرێت".

دەشڵێت: "لەسەر ئەم بنەمایە، هەوڵدەدەم هەڵسەنگاندنێكی بابەتیانە بۆ هەڵبژاردنەكانی ئەنجومەنی پارێزگاكانی عیراق لە ناوچە دابڕێنراوەكان بكەم و تیایدا خاڵە بەهێزەكانی یەكێتی لەو هەڵبژاردنەدا بخەمەڕوو، لەگەڵ دیاریكردنی كەموكوڕی و خەوشیەكان بۆ ئەوەی لە داڕشتنی پلانی هەڵبژاردنی پەرلەمانی كوردستاندا ئەم گاپ و خەوشیانە چارەسەر بكرێن".

PUKMEDIA