زانیاری نوێ لەبارەی دەنگدانی تایبەت لە كەركوك

PUKMEDIA

پڕۆسەی جیاكردنەوەو ژماردنی دەستی سندوقەكانی دەنگدانی تایبەت

پڕۆسەی جیاكردنەوە و ژماردنەوەی دەستی دەنگەكان بەرەو كۆتایی دەچن و لەكۆی دەنگە تایبەتەكانی كەركوك، دەنگی یەكێتی بە رێژەیەكی زۆر لەپێش هەموو هێز و لایەنە سیاسییەكانی  كوردستان و عیراقەوەیە و بەتەنها وەكو هاوپەیمانی كەركوك هێز و ئیرادەمانە بە بەدەستهێنانی 20 هەزار و 365 دەنگ لە دەنگدانی تایبەت لە پلەی یەكەمدایە.

بەپێی ئەو زانیاریانەی كە PUKMEDIA، لە ئۆفیسی كەركوكی كۆمسیۆنی باڵای سەربەخۆی هەڵبژاردنەكانی عیراقەوە دەستیكەوتووە، جیاكردنەوەی دەنگە تایبەتەكانی كەركوك  لە سنووری پارێزگای سلێمانی، هاوپەیمانی كەركوك هێز و ئیرادەمانە سەركەوتنێكی گەورەی بەدەستهێناوە و دەنگی تایبەت بۆ یەكێتیی نیشتمانیی كوردستان  لەكەركوك گەیشتووەتە 20 هەزار و 365 دەنگ.

بەگوێرەی زانیارییەكانی ئۆفیسی كەركوكی كۆمسیۆن، لە جیاكردنەوەی دەنگە تایبەتەكانی كەركوك لەسنووری پارێزگای هەولێریش، یەكێتی لەدوای پارتی وەكو دووەم هێز رێژەیەكی باشی دەنگەكانی  بەدەستهێناوە.

هەر بەگوێرەی ئەو زانیاریانەی كە ئۆفیسی كەركوكی كۆمسیۆنی باڵای سەربەخۆی هەڵبژاردنەكانی عیراق بە PUKMEDIA ی داوە، لەكۆی دەنگە تایبەتەكانی كەركوك، دەنگی یەكێتی بە رێژەیەكی زۆر لەپێش هەموو هێزو لایەنە سیاسییەكانی  كوردستان و عیراقەوەیە و یەكێتیی نیشتمانیی كوردستان بەتەنها وەكو هاوپەیمانی كەركوك هێز و ئیرادەمانە نزیكەی 63% دەنگە تایبەتەكانی بەدەستهێناوە.

ریزبەندی ژمارەی دەنگەكانی لیست و هاوپەیمانێتییەكان لە كەركوك:
 
هاوپەیمانی كەركوك هێز و ئیرادەمانە بە بەدەستهێنانی 20 هەزار و 365 دەنگ لە دەنگدانی تایبەت لە پلەی یەكەمدایە.

پارتی دیموكراتی كوردستان لە دەنگدانی تایبەت 7938 دەنگی بەدەستهێناوە.

هاوپەیمانی عەرەبی لە دەنگدانی تایبەت 952 دەنگی بەدەستهێناوە.

نەوەی نوێ لە دەنگدانی تایبەت 936 دەنگی بەدەستهێناوە.

هاوپەیمانی عروبە لە دەنگدانی تایبەت 796 دەنگی بەدەستهێناوە.

هاوپەیمانی قیادە لە دەنگدانی تایبەت 525 دەنگی بەدەستهێناوە.

بەرەی توركمانی لە دەنگدانی تایبەت 383 دەنگی بەدەستهێناوە.

هاوپەیمانی كەركوكنا لە دەنگدانی تایبەت 258 دەنگی بەدەستهێناوە.

بەپێی ئەنجامە ناڕەسمییەكان ئینجیل زیا شیبا بەرواری كاندیدی كۆتای مەسیحییەكانی كەركوك، لەپێش كاندیدەكانی دیكەوەیە.

PUKMEDIA