داهاتی یەك هەفتەی سلێمانی زیاتر لە 13 ملیار دینارە

PUKMEDIA

داشبۆردی شەفافیەت PUKMEDIA

داهاتی یەك هەفتەی سلێمانی لە رۆژی 16-12-2023 تا 22-12-2023، بڕی 13 ملیار و 64 ملیۆن و 896 هەزار و 256 دینار بووە، بەجۆرێك كە زیاتر لە 10 ملیۆن دیناری نەختینەیە و هەروەها زیاتر لە 1 ملیۆن دینار بەشێوەی چەكە و نزیكەی  570 ملیۆن دیناریش بەشێوەی مقاصەیە.

سایتی شەفافیەت بۆ چاودێری و رێكخستنی داهاتە نانەوتییەكانی سلێمانی و هەڵەبجە و هەردوو ئیدارەی راپەڕین و گەرمیان داهاتی یەك هەفتەی راگەیاندووە بەشێوەیەك، بڕی 13 ملیار و 64 ملیۆن و 869 هەزار و 256 دینار بووە، بەجۆرێك كە 10 ملیار و 946 ملیۆن و 312 هەزار و 816 دیناری واتە 84% نەختینەیە و هەروەها 1 ملیار و 548 ملیۆن و 998 هەزار و 240 دینار، واتە 12% بەشێوەی چەكە.

رۆژی 15-12-2022 دوای 30 ساڵ، حكومەتی هەرێمی كوردستان لەسەر دەستی قوباد تاڵەبانی بوو بەخاوەنی پڕۆژەی شەفافییەت لە داهات و خەرجی.

ئێستا رۆژانە دەتوانیت سەرجەم داهاتە نانەوتییەكانی پارێزگاكانی سلێمانی و هەڵەبجە و هەردوو ئیدارەی سەربەخۆی گەرمیان و راپەڕین لەسایتی شەفافییەتەوە بزانیت.

بەپێی نوێترین ئاماری سایتی شەفافییەت www.shafafiat.com، بڕیارە هەموو رۆژێك داهاتی ئەو شوێنانە بڵاوبكرێتەوە.


PUKMEDIA