‌‎حزبی شیوعی: بەهاوپەیمانێتمان لەگەڵ یەكێتی رێگریمان لەپەرتبوونی دەنگەكانمان كرد

PUKMEDIA

هاوپەیمانی كەركوك هێز و ئیرادەمانە

مەكتەبی ھەڵبژاردنی حزبی شیوعی كوردستان ڕاگەیەندراوێكی بۆ رای گشتی بڵاوكردەوە و رایگەیاند: "حزبی شیوعی وەك پرسێكی نەتەوەیی و لەپێناو نەفەوتان و دابەشبوونی دەنگەكانی كوردستانیانی كەركوك، ھاوپەیمانێتی لەگەڵ یەكێتیی نیشتمانیی كوردستان پێكهێنا، بۆیە جێی خۆیەتی پیرۆزبایی سەركەوتنی لیستەكە ڕابگەیەنین".

راشیدەگەیەنێت: "رەخنەمان ئاڕاستەی كۆمسیونی باڵای ھەڵبژاردن دەكەین كەكێشەیان دروست كرد و بە ھۆكاری جیاواز كەم تەرخەم بوون لەبەشداری خەڵك لەدەنگدان بەھۆكاری جیاواز".

دەقی راگەیەندراوەكە: 

ڕاگەیانراوێك لە مەكتەبی ھەڵبژاردنی حزبی شیوعی كوردستان-ەوە

بۆ: ڕاگشتی

جەماوەری خۆڕاگری كەركوكی شكۆ و شانازی

لەكاتێكدا حزبی شیوعی كوردستان وەك پرسێكی نەتەوەیی و نیشتیمانی دەیڕوانییە یەك لیستی حیزب و لایەنە كوردستانییەكان و لەو پێناوەدا ھەوڵ و كۆششێكی زۆریدا بۆ پێكھێنانی ئەو لیستە، بەڵام بەداخەوە ئەو ھەوڵانە لە بار بران، دواجار ئێمە وەك حیزبی شیوعی كوردستان ھاوپەیمانێتیمان لەگەڵ یەكێتیی نیشتمانیی كوردستان بەناوی (ھاوپیمانی كەركوك ھێزو ئیرادەمانە بەژمارە ١٤٢)

خەڵكی شاری كەركوكی كۆڵنەدەر: 

یەكێك لە ھۆكاری گریدانی ئەو ھاوپیمانییە نەفەوتان و دابەشبوونی دەنگەكانی كوردستانیانی شاری كەركوك بوو كە ئاكامەكەی بەزیان گەڕایەوە بۆ دۆزە ڕەواكانمان لەو بەشە هەرە گرنگەی نیشتمان، بۆیە لێرەدا جێی خۆیەتی پیرۆزبایی خۆمان بۆ سەركەوتنی لیستەكە ڕابگەینین و دەستخۆشی لەدەنگدەرانی لیستەكەو كاندیدی حیزبمان بكەین و ئەوەیش ئاشكرا بكەین  بەدەنگەكانی حیزبمان و لایەنگرانمان و  دەنگی كاندیدەكەمان، لیستەكە كاندیدێكی زیاتری سەرخست و ئەگینا ئەو كورسییەش  بۆ نەیاران و ئەوانەی ناكۆكن لەبەرانبەر پرسی چارەنووسی گەلەكەمان و دیموكراسییەت.

جارێكی تر، حزبمان، حزبی شیوعی كوردستان بەرژەوەندیی و دەنگەكانی خۆی خستە خزمەتی دۆزی ڕەوای نیشتمان و نەتەوەكەمان.

لە كۆتاییدا ڕەخنەمان ئاڕاستەی كۆمسیونی باڵای ھەڵبژاردن دەكەین كەكێشەیان دروست كرد و بە ھۆكاری جیاواز كەم تەرخەم بوونە لەبەشداری خەڵك لەدەنگدان بەھۆكاری جیاواز.

 مەكتەبی ھەڵبژاردنی
حزبی شیوعی كووردستان
٢٠٢٣/١٢/٢١

PUKMEDIA