سەرۆككۆمار پیرۆزبایی لە لایەنە براوەكانی ھەڵبژاردن دەكات

نوسینگەی راگەیاندنی سەرۆكایەتی كۆمار

د.لەتیف رەشید سەرۆككۆماری عیراق

سەرۆككۆماری عیراق پیرۆزبایی لە لایەنە براوەكانی ھەڵبژاردنی ئەنجومەنی پارێزگاكان دەكات و ھیوای سەركەوتنیان لە ئەركەكانیاندا بۆ دەخوازێت.

د.لەتیف رەشید سەرۆككۆماری عیراق لە راگەیەندراوێكدا پیرۆزبایی ئاڕاستەی لایەنە براوەكانی ھەڵبژاردنی ئەنجومەنی پارێزگاكان دەكات و ھیوای سەركەوتنیان بۆ دەخوازێت لە بەدیھێنانی خواستی ھاووڵاتییان و باشتركردنی دۆخی ژیانیان.

دەشڵێت، ئێستا لایەنە براوەكانی ھەڵبژاردن پێكھێنانی ئەنجومەنی پارێزگاكانیان لەبەردەمە و پێویستە ھاوكاری حكومەتی فیدراڵ بن بۆ باشتركردنی ژیان و گوزەرانی ھاووڵاتییان.

سەرۆككۆمار ئاماژەی بەوەشدا، سەركەوتنی ھەڵبژاردنی ئەنجومەنی پارێزگاكان، بنەماكانی دیموكراسی بەرجەستە دەكات كە لە دەستووری عیراقدا ھەیە و مافی عێراقییەكان دەستەبەردەكات بۆ دەربڕینی ئیرادەی خۆیان و دیاریكردنی نوێنەرانیان.

PUKMEDIA