شاڵاو کۆسرەت رەسوڵ: سەرکەوتنمان لەهەڵبژاردن ئەرکمان قورستر دەکات
کوردستان 02:01 PM - 2023-12-20شاڵاو کۆسرەت رەسوڵ
یەکێتیی نیشتمانیی کوردستان جارێکی دیکە کوردستانیبوونی کەرکوک و ناوچە جێناکۆکەکانی بەدەنگی لایەنگرانی سەلماندەوەو ئەندامێکی مەکتەبی سیاسی یەکێتیش دەڵێت: "دەمانەوێت لەهەڵبژاردنی داهاتووی پەرلەمانی کوردستاندا وەک هەڵبژاردنی ئەنجومەنی پارێزگاکانی عیراق سەرکەوتن بەدەستبهێنین و باڵانسی سیاسی لە هەرێمیش راست بکەینەوە، ئەمەش بەکاری پێکەوەیی و پشتیوانی یەکتر دەبێت"، دەشڵێت: "سەرکەوتنمان لەهەڵبژاردن ئەرکمان بۆ خزمەتی خەڵک قورستر دەکات".
لە چەمچەماڵ کەرنەڤاڵێکی گەورە بۆ سەرکەوتنی لیست و هاوپەیمانێتییەکانی یەکێتیی نیشتمانیی کوردستان بەڕێوەچوو، تێیدا شاڵاو کۆسرەت رەسوڵ ئەندامی مەکتەبی سیاسی یەکێتیی نیشتمانیی کوردستان لە وتەیەکیدا بۆ ئامادەبووان و کادرانی یەکێتی رایگەیاند: "دوای ئەوەی سەرکەوتنی گەورەمان بۆ کورد و کوردستان لە ناوچە جێناکۆکەکان بە گشتی و لە کەرکوک بەتایبەتی بەدەستهێنا، لە ئەمڕۆوە ئەرکمان قورستر دەبێت و پێویستە پێکەوە توانا و هەوڵەکانمان بخەینە گەڕ بۆ خزمەتی کورد و هەموو پێکهاتەکانی دیکە لە ناوچە جێناکۆکەکان".
"بەڵێن دەدەین لەسەر رێبازەکەی سەرۆک مام جەلال کە چەپکە گوڵەکەیە، پێکەوە لەجێی ئەو متمانەیە بین کە پێمان سپێردراوە و لەداهاتوودا خزمەتی زیاتری کەرکوکییەکان و سەرجەم پێکهاتەکان لە ناوچە جێناکۆکەکان بکەین، خۆشحاڵین کە دوای ١٨ ساڵ توانیمان جارێکی تر بە دەنگەکانی ئێوە کوردستانیبوونی کەرکوک و ناوچە جێناکۆکەکان بسەلمێنینەوە، ئەمەش مەغرورمان ناکات، بەڵکو بە پێچەوانەوە ئەرکمان بۆ خزمەتی ئێوە قورستر دەکات"، شاڵاو کۆسرەت رەسوڵ وای وت.
ئەندامەکەی مەکتەبی سیاسی دەشڵێت: "پێکەوە بوونمان لەماوەی رابردوودا بۆ سەلماندنەوەی کوردستانیبوونی ناوچەجێناکۆکەکان بەڵگەیەکی حاشا هەڵنەگرە، کە دەتوانین هەر پێکەوە لە هەڵبژاردنی داهاتووی پەرلەمانی کوردستاندا سەرکەوین و باڵانسی سیاسی لەهەرێمی کوردستان راستبکەینەوە، چونکە یەکێتیی نیشتمانیی کوردستان بۆ خزمەت و ئازادی خەڵک دروستبووەو هەڵبژاردنی داهاتووش باشترین دەرفەتە کە بدرێت بە یەکێتی بۆ ئەوەی خزمەتی خەڵک بکات و کورد و کوردستان سەربخات".
PUKMEDIA
هەواڵی زیاتر
-
سلێمانی.. کارگەیەکی نوێی بەرهەمهێنانی پۆشاکی سەربازی دەکرێتەوە
07:48 PM - 2024-05-13 -
حزبی زەحمەتكێشان: هەڵوێستەكانی یەكێتی جێگەی نرخاندنە
02:50 PM - 2024-05-13 -
قوباد تاڵەبانی: کارئاسانی بکرێت بۆ وەبەرهێنەران لە هەڵەبجە
01:04 PM - 2024-05-13 -
ناوی 11 هەزار دەرچووی زانكۆكانی هەرێم بۆ دامەزراندن رەوانەی بەغدا دەكرێت
10:58 AM - 2024-05-13
ئەمانەش ببینە
ئەنجومەنی نوێنەران وادەیەک بۆ هەڵبژاردنی سەرۆکێکی نوێ دیاریدەکات
02:44 PM - 2024-05-13
قوباد تاڵەبانی: کێشەی مووچە چارەسەر بوو
01:07 PM - 2024-05-13
جێبەجێکردنی بڕیارەکانی دادگای فیدراڵی مەرجە بۆ چارەسەری کێشەی مووچە
12:24 PM - 2024-05-13
دادگای فیدراڵی سێ سكاڵاكەی هەرێمی دواخست
05:36 PM - 2024-05-12
زۆرترین خوێنراو
-
حزبی زەحمەتكێشان: هەڵوێستەكانی یەكێتی جێگەی نرخاندنە
کوردستان 02:50 PM - 2024-05-13 -
ئەنجومەنی نوێنەران وادەیەک بۆ هەڵبژاردنی سەرۆکێکی نوێ دیاریدەکات
عیراق 02:44 PM - 2024-05-13 -
قوباد تاڵەبانی سەردانی مەڵبەندی ٩ی شارەزووری کرد
ی ن ک 02:21 PM - 2024-05-13 -
قوباد تاڵەبانی: کێشەی مووچە چارەسەر بوو
کوردستان 01:07 PM - 2024-05-13 -
قوباد تاڵەبانی: کارئاسانی بکرێت بۆ وەبەرهێنەران لە هەڵەبجە
کوردستان 01:04 PM - 2024-05-13 -
جێبەجێکردنی بڕیارەکانی دادگای فیدراڵی مەرجە بۆ چارەسەری کێشەی مووچە
کوردستان 12:24 PM - 2024-05-13 -
ناوی 11 هەزار دەرچووی زانكۆكانی هەرێم بۆ دامەزراندن رەوانەی بەغدا دەكرێت
کوردستان 10:58 AM - 2024-05-13 -
شاڵاو کۆسرەت رەسوڵ بەشداری لە ژمارەیەک پرسەدا دەکات
پرسەنامە 07:07 PM - 2024-05-12