ئاسۆ مامەند: هەڵبژاردن دەرفەتێکی زێڕینە و لەدەستی مەدەن

PUKMEDIA

ئاسۆ مامەند

ئەندامێکی مەکتەبی سیاسی یەکێتی لە کەرکوک داوا لەهاوڵاتیان دەکات دەرفەت لەدەست نەدەن و بچن بەرەو سندوقەکانی دەنگدان و دەشڵێت: " داواش لەو هاووڵاتیانە دەکەین کە بێبەش بوون لە دەنگدان بەهۆی نەخوێندنەوەی بارکۆدەکانیان ئێستا دەرفەتێکی تریان هەیە و دەتوانن بە ژمارەی پشت کارتەکانیان دەنگ بدەن".

ئاسۆ مامەند ئەندامی مەکتەبی سیاسیی یەکێتیی نیشتمانیی کوردستان لە کۆنگرەیەکی رۆژنامەوانیدا لەبارەی بەشداری هاووڵاتیان لە هەڵبژاردن دەڵێت: "کاتێکی کەم ماووە بۆ دەنگدان و داواتان لێدەکەم بچن بەشداری هەڵبژاردن بکەن، بەتایبەت هەندێک کێشە هەبووە لە بنکەکانی دەنگدان و هاووڵاتییان نەیانتوانیوە بەشداری هەڵبژاردن بکەن، بەڵام داوایان لێدەکەین بۆ کوردستانیبونی کەرکوک و بۆ پارێزگاری لە رێبازی سەرۆک مام جەلال بچن جێدەستی خۆتان دیاری بکەن".

"داوا لە هاووڵاتیان دەکەین ئارامی شار بپارێزن و لەپەرۆشییان شەقامەکان نەگرن، تا ئەو خوشک و برایانەمان کە ماون بتوانن بەشداری بکەن و بەهۆی قەرەباڵغییەوە بێبەش نەبن لە دەنگدان"، ئاسۆ مامەند وای وت.


ئەندامەکەی مەکتەبی سیاسی یەکێتی دەشڵێت: "داواش لەو هاووڵاتیانە دەکەین کە بێبەش بوون لە دەنگدان بەهۆی نەخوێندنەوەی بارکۆدەکانیان ئێستا دەرفەتێکی تریان هەیە و دەتوانن بە ژمارەی پشتی کارتەکەیان بەشداری بکەن".

PUKMEDIA