سەرۆکایەتی کۆمار پشتیوانی چەسپاندنی سەقامگیری دەکات

تایبەت

سەرۆکایەتی کۆمار

فەرمانگەی راگەیاندنی سەرۆکایەتی کۆمار‍ لە روونکردنەوەیەکدا پشتیوانی تەواوی خۆی بۆ ئەو ڕێوشوێنانە ڕادەگەیەنێت کە حکومەت گرتوویەتەبەر بۆ چەسپاندنی ئاسایش و سەقامگیری.

دەقی روونکردنەوەکە:

سەرۆکایەتی کۆمار پشتیوانی تەواوی خۆی بۆ ئەو ڕێوشوێنانە ڕادەگەیەنێت کە حکومەت گرتوویەتەبەر بۆ چەسپاندنی ئاسایش و سەقامگیری و ڕێگریکردن لەو کارە نایاساییانەی نێردە دیپلۆماسییەکان و دامەزراوە حکومییەکان و سەقامگیری وڵات دەکەنە ئامانج و سەروەری عێراق پێشێل دەکەن و وێنەی لەبەردەم کۆمەڵگەی نێودەوڵەتیدا دەشێوێنن.

سەرۆکایەتی کۆمار پشتیوانی خۆی بۆ ئەو ڕێوشوێن و پلانە ئەمنییانەی ئەمدواییەی حکومەت ڕادەگەیەنێت لە نێوانیشیاندا سزادانی ئەو هێزە ئەمنییانەی بەرپرسن لە پاراستنی ئاسایش لەو ناوچەیەی کە دەستدرێژییەکەی تێدا ئەنجامدراوە.

شایانی باسە ئەو فەوجەی سەرۆکایەتی کە ناوی هاتوە، هەر لە ساڵی  2015-ەوە لەژێر فەرمانەکانی لیوای ٣ ی پۆلیسی فیدراڵدایە . ‍
‍
فەرمانگەی ڕاگەیاندنی سەرۆکایەتی کۆمار‍

PUKMEDIA