پیرە: یەكێتی خوازیاری چارەسەری كێشەكانی نێوان هەرێم و بەغدایە

PUKMEDIA

سەعدی ئەحمەد پیرە وتەبێژی یەكێتی و نەسروڵڵا زارع رەشنوودی كونسڵی گشتی ئیران

ئەمڕۆ ١٤/١٢/٢٠٢٣ سەعدی ئەحمەد پیرە وتەبێژی یەكێتیی نیشتمانیی كوردستان لە هەولێر پێشوازی لە وەفدێكی كونسڵخانەی كۆماری ئیسلامی ئێران بەسەرۆكایەتی نەسروڵڵا زارع رەشنوودی كونسڵی گشتی ئیران و ژمارەیەك لە راوێژكاران و دیبلۆماتكارانی كونسڵخانەی كۆماری ئیسلامی ئیران لە هەرێمی كوردستان كرد.
 
لە دیدارێكی نێوان ھەردوولادا، بارودۆخی سیاسی ناوچەكە بەگشتی و عیراق و ھەرێمی كوردستان بەتایبەتی تاوتوێكران.
 
‎ نەسروڵڵا زارع رەشنوودی كونسڵی گشتی كۆماری ئیسلامی ئیران لە هەرێمی كوردستان رایگەیاند: "كۆماری ئیسلامی ئیران بە بایەخ و گرنگییەكی زۆرەوە دەڕوانێتە بارودۆخی سیاسی عیراق بەگشتی و هەرێمی كوردستان بەتایبەتی لە پێناو سەقامگیری سیاسی و ئاشتی و بەرە‌و پێشچوونی پڕوسەی سیاسی و گەشەسەندنی ئابووری و ئاوەدانی زیاتر و بەھێزتركردنی دیموكراسی لە ناوچەكەدا".

راشیگەیاند: "تاران خوازیاری سەقامگیری سیاسی و ئەمنی و ئابورییە لە عیراق و ناوچەكە رێز لە بڕیاری پێكهاتە جیاجیاكانی عیراق دەگرێت".  
 
 
‎ھەر لە دیدارەكەدا سەعدی ئەحمەد پیرە  وێڕای خستنەڕووی رەوشی سیاسی، بەتایبەتیش پرسی ململانێیە نێودەوڵەتی و ھەرێمایەتییەكان، تەئكیدی كردەوە كە یەكێتیی نیشتمانیی كوردستان خوازیاری چارەسەری دیپلۆماسیانەی كێشە سیاسییەكانە لەسەر بنەمای بەند و بڕگەكانی دەستووری هەمیشەیی عیراق لە رێگەی گفتوگۆی ئاشتیانە و لەیەكتر گەیشتن بە ئاڕاستەی چارەسەری گونجاو كە ببێتە مایەی خێر و خۆشی و سەقامگیری بۆ گەلانی عیراق".

PUKMEDIA