هاوپەیمانی كەركوك هێز و ئیرادەمانە، لیستێكی دەستپێشخەرو گەنجانەیە

PUKMEDIA

هاوپەیمانی كەركووك هێز و ئیرادەمانە

لیستی ١٤٢ ی هاوپەیمانی كەركوك هێز و ئیرادەمانە لەچوارچێوەی پەیامی رۆژانەیدا پەیامێكی بڵاوكردەوە و رایگەیاندوە:" هەڵبژاردنی ئەمجارە دەرگای خێر و ئاوەدانی دەبێت بۆ بوژاندنەوەی گیانی گەنجایەتی، هەم لە دامەزراوەكانی ئیدارەی كەركوك و هەمیش لە ئۆرگانەكانی حزبدا.

 دەقی پەیامەكە:

پەیامی ئەمڕ‌ۆ 

هاوپەیمانی گەنجان

لیستی (هاوپەیمانی كەركووك هێز و ئیرادەمانە) لیستێكی گەنجانە و دەستپێشخەرە، بۆیە جێی ئومێدی گەنجانی كەركووكە بە كچ و كوڕ‌ەوە. لیستی دەیان داخوازی گەنجانە لە چانسی خۆپێگەیاندن و دابینكردنی هەلی كار و تواناسازی لاوەكانمان لە كایەی هونەر، وەرزش و سیاسەتدا. لەبەر ئەمە گیانی لاوێتی و ژیاندۆستییە كە ئەمڕ‌ۆ دەبینین لاوانی كەركووك بوونەتە بەشێكی گرنگی كەمپینی 142 و بگرە بوونەتە دیمەنی هەرە جوانی هەموو كۆبوونەوە جەماوەرییەكانی لە سەرتاسەری شارەكەدا. گەنجەكان بەمە وتە دێرینەكەی سەرۆك مام جەلال دووپات دەكەنەوە كە هەڵبژاردن دەرفەتە بۆ نوێكردنەوەی پەیوەندی و پەیمان لەگەڵ جەماوەردا. پەیوەندی ئەمجارە دەرگای خێر و ئاوەدانی دەبێت بۆ بووژاندنەوەی گیانی گەنجایەتی، هەم لە دامەزراوەكانی ئیدارەی كەركوك و هەمیش لە ئۆرگانەكانی حزبدا.

PUKMEDIA