بازنەی زانكۆو پەیمانگەكان: هەڵبژاردن بۆ كوردستانی بوونی كەركوك گرنگە

PUKMEDIA

كۆبوونەوەی بازنەی زانكۆ و پەیمانگەكان لە كەركوك

لە درێژەی كۆبوونەوە بەرفراوانەكانی بازنەی زانكۆ و پەیمانگەكان بەمەبەستی سەرخستنی لیستی هاوپەیمانی كەركوك هێز و ئیرادەمانە بە ژمارە (١٤٢) بۆ هەڵبژاردنی ئەنجومەنی پارێزگای كەركوك، بەسەرپەرشتی د. یوسف گۆران ئەندامی مەكتەبی سیاسی یەكێتی و ئامادەبوونی تەحسین نامیق لێپرسراوی مەڵبەندی رێكخستنی كۆیەو نوێنەری سكرتارییەتی سەرۆك مام جەلال، كۆبوونەوەی بازنەی زانكۆ و پەیمانگەكان كە پێكهاتووە لە لێژنەكانی مامۆستایان و خوێندكاران و كارمەندان بەڕێوەچوو.

لە كۆبوونەوەكەدا بە گرنگییەوە باس لە بەڕێوەچوونی هەڵبژاردنی ئەم جارەی پارێزگای كەركوك كرا بۆ ناساندنی ناسنامەی كوردستانی بوونی كەركوك و وەرگرتنەوەی دەسەڵاتی زەوتكراوی كەركوكی خۆشەویست.

لە بەشێكی دیكەی كۆبوونەوەكەدا بە بایەخەوە ئاماژە بە هەنگاوەكانی ئایندە كرا بۆ سەرخستنی لیستی (۱٤۲)ی هاوپەیمانی كەركوك هێز و ئیرادەمانە، بۆ ئەمەش دەستخۆشی ئاڕاستەی مامۆستا و كارمەند و خوێندكاران كرا بۆ هەوڵ و ماندوبوونەكانیان بەمەبەستی سەرخستی یەكجارەكی لیستی كوردستانی كەركوك كە لیستی هاوپەیمانی كەركوك هێزو ئیرادەمانە.

PUKMEDIAٍٍ