سەرۆك بافڵ: رێككەوتنی نێوان هەرێم و بەغدا زامنی پاراستنی مافی هەمووانە

PUKMEDIA

بافڵ جەلال تاڵەبانی سەرۆكی یەكێتی و قەیس خەزعەلی ئەمینداری گشتی بزووتنەوەی عەسائیب ئەھلی حەق

بافڵ جەلال تاڵەبانی سەرۆكی یەكێتیی نیشتمانیی كوردستان،  لە بەغدا چاویكەوت بە قەیس خەزعەلی ئەمینداری گشتی بزووتنەوەی عەسائیب ئەھلی حەق. 

لە دیدارەكەدا دوایین پێشهاتە سیاسی، ئابووری و ئەمنییەكان گفتوگۆیان لەبارەوەكرا و جەخت لەبەردەوامی دیالۆگی نیشتمانی نێوان لایەنەكان كرایەوە لەپێناو پاراستنی بەرژەوەندییە گشتییەكان و هاوبەشی راستەقینە لە وڵاتدا.

لەدرێژەی دیدارەكەدا جەخت لە كۆتاییهێنان بە ناكۆكییەكان و چارەسەری یاسایی و دەستووریی كێشەكان كرایەوە بەتایبەت لەنێوان هەرێمی كوردستان و بەغدا و گەیشتن بە رێككەوتنێكی یەكجارەكی كە زامنی پاراستنی مافی هەموو لایەك بكات.

PUKMEDIA