بە هەوڵی پەرلەمانتارێکی یەکێتی کیسی خوێن بۆ توشبووانی تالاسیمیا دابین دەکرێت

PUKMEDIA

دابینکردنی کیسی خوێن بۆ توشبووانی تالاسیمیا

بە هەوڵی ئەندامێکی فراکسیۆنی یەکێتیی نیشتمانیی کوردستان لە ئەنجومەنی نوێنەرانی عیراق، بڕی پێویست کیسی خوێن بۆ تووشبوانی تالاسیمیا دابین کرا.

د. بڕیار رەشید ئەندامی ئەنجومەنی نوێنەرانی عیراق لە فراکسیۆنی یەکێتیی نیشتمانیی کوردستان بە سایتی رەسمی یەکێتی PUKMEDIA ی راگەیاند: "لە ماوەی ڕابردوو کۆمەڵەی تالاسیمیای سلێمانی کۆمەڵێک داواکاریان ئاڕاستە کردین، پاش هەوڵەکانمان توانیمان ڕەزامەندی وەزیری تەندروستی عێراق وەربگرین لەسەر داواکاریەکانیان بەتایبەت بە دابینکردنی نزیکی دوو هەزار کیسی خوێن".

"دوای هەوڵەکانمان لەگەڵ ناردنی بەشی تەندروستی سلێمانی ئەمڕۆ ئەو بڕە پاڵپشتی کراوە گەشتە سلێمانی و کۆگای بەرێوبەرایەتی گشتی تەندروستی"، "نەبوونی کیسی خوێن لە ماوەی ڕابردوو گرفتی زۆری دروستکردبوو بۆ هاووڵاتیان بە تایبەت بۆ توشبوانی تالاسیمیا"، د. بڕیار رەشید وادەڵێت.

وتیشی: "ئەم هەوڵانەشمان پاش ئەوە دێت لە ماوەی ڕابردوو سەردانی کۆمەڵەی تالاسیمیای سلێمانی مانکرد لە نزیکەوە گوێبیستی داواکاری و کێشەکانیان بوین بەڵێنمان پێدان هەوڵی تەواو بدەین بۆ جێبەجێ کردنی داواکاریەکانیان".
PUKMEDIA