دانیشتوانی ناحیه‌ی وانه‌ پشتیوانی هاوپه‌یمانی خه‌ڵكی نه‌ینه‌وا ده‌كه‌ن

PUKMEDIA

یەکێتی لە نەینەوا

له‌چوارچێوه‌ی كۆبونه‌وه‌ جیاوازه‌كان بۆ سه‌رخستنی لیستی هاوپه‌یمانی یه‌كێتی خه‌ڵكی نه‌ینه‌واو كاندیدانی له‌پارێزگاكه‌، ئاراس محه‌مه‌د ئاغا ئه‌ندامی سه‌ركردایه‌تی و سه‌رۆكی هاوپه‌یمانیی یه‌كێتی خه‌ڵكی نه‌ینه‌وا به‌نوێنه‌رایه‌تی بێستون محه‌مه‌د قه‌ساب لێپرسراوی كۆمیته‌ی تلكێف له‌ناحیه‌ی وانه‌ كۆبونه‌وه‌كی فراوانی له‌گه‌ڵ چین و توێژه‌جیاوازه‌كانی ناحیه‌كه‌ ئه‌نجامدا.

له‌كۆبوونه‌وه‌ فراوانه‌كه‌دا كه‌ ساڵح مه‌حمود ئه‌لمه‌عماری كاندیدی ژماره‌ (٥٢) هاوپه‌یمانی یه‌كێتی خه‌ڵكی نه‌ینه‌وا ئاماده‌یبوو، كه‌سایه‌تی و پیاوماقوڵانی ناحیه‌ی وانه‌ ستایشی هه‌وڵ و كۆششه‌كانی یه‌كێتیی نیشتیمانی كوردستانیان كرد و رایانگه‌یاند؛ وه‌ك هه‌میشه‌ له‌ خزمه‌تی رێبازه‌كه‌ی سه‌رۆك مام جه‌لالدا ده‌بن و یه‌كێتی به‌حزبی خۆیان ده‌زانن، بۆ هه‌ڵبژاردنی داهاتووش پشتگیری و پشتیوانی خۆیان بۆ لیستی ھاوپه‌یمانیی یه‌كێتی خه‌ڵكی نه‌ینه‌وا كاندیدی ھاوپه‌یمانیه‌كه‌ ساڵح مه‌حمود ئه‌لمه‌عماری دووپاتكرده‌وه‌.

PUKMEDIA