یەکێتی لە ئەنجومەنی پارێزگای بەغداوە بەرگری لە کوردانی فەیلی دەکات
کوردستان 11:08 AM - 2023-12-03شێخ جاسم سورە مێری
یەکێتیی نیشتمانیی کوردستان دەیەوێت خزمەتی زیاتری کوردانی فەیلی بکات، لەو چوارچێوەیەشدا بە كاندیدێكی كوردی فەیلی سەربەخۆ بە ژمارە ٢٠٤ بەشداری هەڵبژاردنی ئەنجومەنی پارێزگاکانی عیراقی کردووە و داوا لە کوردانی بەغدا دەکات دەنگ بە شێخ جاسم سورەمێری بدەن تا لە ئەنجومەنی پارێزگای بەغداوە کێشەکانیان چارەسەربکرێت.
کوردانی فەیلی لە بەغدا چەندین کێشەیان هەیە
شێخ جاسم سورەمێری کاندیدی یەکێتیی نیشتمانیی کوردستان لەسەر کورسی کۆتای فەیلییەکان لە بەغدا بە ژمارە ٢٠٤، بە سایتی رەسمی یەکێتیی نیشتمانیی کوردستان PUKMEDIA ی راگەیاند: "کوردانی فەیلی لە بەغدا زۆر کێشەو گیروگرفتی وەک نەبوونی رەگەزنامە و دەربەدەرکردن و ستەمکردن لێیان هەیە و ئەگەر وەک کاندیدی کوردە فەیلییەکان بچمە ئەنجومەنی پارێزگای بەغدا بەرنامە و پلانم هەیە کێشە و گرفتەکانیان لە رێگای ئەنجومەنی پارێزگاکەوە چارەسەر بکەم".
"کوردانی فەیلی مافی خۆیانە نوێنەرێکیان لە ئەنجومەنی پارێزگای بەغدا هەبێت بۆئەوەی بەرگری لە مافەکانیان بکات، بۆئەمەش یەکێتیی نیشتمانیی کوردستان لە هەوڵی سەرخستنی تاکە کاندیدی کوردی فەیلییە لە بەغدا، ئەمەش ئەو رێبازە دروستەی سەرۆک مام جەلال-ە کە لە رابردوودا هەمیشە پشتیوانی کوردانی فەیلی بووە"، شێخ جاسم سورەمێری وادەڵێت.
وتیشی: "داواکارم لە کوردانی فەیلی لە پارێزگاکە دەنگم پێ بدەن بۆئەوەی لە ئەنجومەنی پارێزگای بەغداوە بەرگریکاری مافەکانیان بم و شەڕی بەدەستهێنانەوەی مافەکانیان بکەم".
یەکێتی پشتیوانی کوردانی فەیلی دەکات
یەکێتیی نیشتمانیی کوردستان پشتیوانی کوردانی فەیلی دەکات و کاردەکات تا نوێنەرێکیان لە ئەنجومەنی پارێزگای بەغدا هەبێت و لەوێوە کێشەو گیروگرفتەکانیان چارەسەربکرێت.
هەر لەوبارەیەوە رابیحە حەمەد لێپرسراوی مەڵبەندی بەغدای یەکێتیی نیشتمانیی کوردستان بە سایتی رەسمی یەکێتیی نیشتمانیی کوردستان PUKMEDIA ی راگەیاند: "بە هەموو شێوەیەک پشتیوانی لە کاندیدی کورسی کۆتای فەیلییەکان بۆ ئەنجومەنی پارێزگای بەغدا دەکەین و داوا لە کوردەکانی بەغدا دەکەین دەنگ بە شێخ جاسم سورەمێری کاندیدی ژمارە ٢٠٤ بدەن".
"کوردانی فەیلی مافی خۆیانە نوێنەرێکیان لە ئەنجومەنی پارێزگای بەغدا هەبێت و بەرگری لە مافەکانیان بکات، بۆ ئەمەش یەکێتیی نیشتمانیی کوردستان هەوڵی سەرخستنی کاندیدەکەیان دەدات و لەسەر رێبازی سەرۆک مام جەلال بە یاسا بەرگری لە مافەکانیان دەکات"، رابیحە حەمەد وادەڵێت.
یەكێتیی نیشتمانیی كوردستان بۆ هەڵبژاردنی ئەنجومەنی پارێزگاكانی عیراق لە بەغدا، بە كاندیدێكی كوردی فەیلی سەربەخۆ بە لیستی ژمارە ٢٠٤ بۆ بەدەستهێنانی كورسی كۆتاكان بەشداری هەڵبژاردنەكە دەكات و دەیەوێت لە رێگای ئەنجومەنی پارێزگاکەوە بەرگریکارێکی سەرسەختی ماف و شایستەکانی کوردی فەیلی بێت، بۆئەمەش کاندیدێکی دەستنیشان کردووە بۆئەوەی کوردانی فەیلی دەنگی پێ بدەن و ببێتە نوێنەری راستەقینەیان لە ئەنجومەنی پارێزگای بەغدا.
PUKMEDIA
هەواڵی زیاتر
-
ئەندامێکی سەرکردایەتی: پێمان باشە پارتی دادگای فیدراڵی بە مەرجەع دەزانن
11:59 AM - 2024-05-07 -
تیرۆرستێک دەستگیردەکرێت
11:39 PM - 2024-05-06 -
دوو ئەمیر و 5 تیرۆریست لەسلێمانی و هەڵەبجە دەستگیرکران
09:20 PM - 2024-05-06 -
شاڵاو کۆسرەت رەسوڵ: مامۆستایانی ئایینی رۆڵیان لەپێگەیاندنی نەوەکاندا هەیە
06:19 PM - 2024-05-06
ئەمانەش ببینە
کوردستان 01:58 PM - 2024-05-07 یەکێتی لە دژی سکاڵاکەی مەسرور بارزانی داوایەک ئاڕاستەی دادگای فیدراڵی دەکات
کۆمسیۆن: وەرەقەی دەنگدانی گشتی و تایبەت بۆ هەڵبژاردن چاپدەکرێت
10:38 AM - 2024-05-07
"یەکێتی بە دووساڵی پارێزگار بۆ کەرکوک رازی نابێت و پارتی رازییە"
09:05 PM - 2024-05-06
قوباد تاڵەبانی: توانای مرۆیی باشمان هەیە و رێکنەخراوە
06:31 PM - 2024-05-06
سەرۆک بافڵ گەیشتە واشنتن
06:23 PM - 2024-05-06
زۆرترین خوێنراو
-
شاڵاو کۆسرەت رەسوڵ بەشداری لە ژمارەیەک پرسەدا دەکات
پرسەنامە 08:04 PM - 2024-05-06 -
قوباد تاڵەبانی: توانای مرۆیی باشمان هەیە و رێکنەخراوە
کوردستان 06:31 PM - 2024-05-06 -
سەرۆک بافڵ گەیشتە واشنتن
کوردستان 06:23 PM - 2024-05-06 -
شاڵاو کۆسرەت رەسوڵ: مامۆستایانی ئایینی رۆڵیان لەپێگەیاندنی نەوەکاندا هەیە
کوردستان 06:19 PM - 2024-05-06 -
ئامادەکارییەکان بۆ هەڵبژاردن لە هەولێر بەردەوامە
کوردستان 04:57 PM - 2024-05-06 -
گومان بەسەر ئاگرەكەی قەیسەریدا زاڵ دەبێت
کوردستان 03:40 PM - 2024-05-06 -
مەکتەبی سکرتارییەت: سامان گەرمیانی وەک قارەمانێک بەشێک بووە لە سەرکەوتنەکان
ی ن ک 01:43 PM - 2024-05-06 -
کۆمسیۆن دەستیکرد بە چاپکردنی وەرەقەی دەنگدان
کوردستان 01:11 PM - 2024-05-06