سەرۆک کۆمار گەیشتە بارەگای کۆنفرانسی لوتکەی کەشوهەوا (COP28)

PUKMEDIA

سەرۆک کۆمار و سکرتێری نەتەوە یەکگرتوەکان و سەرۆکی ئیمارات

سەرۆک کۆماری عیراق دکتۆر لەتیف جەمال رەشید ئەمڕۆ هەینی 1-12-2023 گەیشتە بارەگای بەڕێوەچونی کۆنفرانسی لوتکەی کەشوهەوا (COP28) لەشاری ئێکسپۆ لە دوبەی.

لەگەڵ گەیشتنی سەرۆک کۆمار، لەلایەن ئەنتۆنیۆ گۆتێرێش سکرتێری گشتی نەتەوە یەکگرتوەکان و شێخ محەمەد بن زاید ئال نهیان سەرۆکی ئیماراتی عەرەبی یەکگرتوو پێشوازی لێکرا.

لە کۆنفرانسەکەدا، سەرۆک کۆمار وتاری عیراق پێشکەش دەکات.

کۆنفرانسەکەی ئەمڕۆ  هاوكاتە له‌گه‌ڵ ڕۆژى نيشتمانيى ئیمارات کە  ژماره‌يه‌كى زۆر لە سه‌ركرده‌كانى جيهان بانگهێشت کراون بۆ بەشداریکردن, ئيمارات سه‌رۆكايه‌تيى ئه‌مجارەی كۆنفرانسه‌كه‌ ده‌كات و پرسه‌كانى تايبه‌ت به‌ گۆڕانى كه‌شوهه‌وا و چۆنيه‌تيى ڕووبه‌ڕووبوونه‌وه‌ى لێكه‌وته‌كانى و ڕۆڵى وڵاتان له‌ كه‌مكردنه‌وه‌ى مه‌ترسييه‌كانيدا، تاوتوێ ده‌کرێن.

PUKMEDIA