لە کەرکوک هەردوکیان پێکەوەن
بیروڕا 02:30 PM - 2023-11-30ستران عەبدوڵلا
ستران عەبدوڵلا
ئەو تەوژمەی ئێستا وا لە کەرکوک کوچە و کۆڵانەکانی شارەکەی گرتووەتەوە: هەمووی مەشغوڵی سیاسەت و هەڵبژاردن، یەکێتی و هاوپەیمانی، وەرگرتنەوەی دەسەڵات و مانەوەی دەسەڵاتی خۆسەپێن کردووە، تەوژمێکی زیاترە لە تای هەڵبژاردن و کاردانەوەی ململانێی لیستەکان.
ئەمە شتێکە لە بابەت بوژانەوەی بزووتنەوەی سیاسی و کاردانەوەی قووڵی کەرکوکییەکان پاش شەش ساڵ لە سەبری شۆڕشگێڕی و دانبەخۆداگرتن.
ئەم بۆنەی هەڵبژاردنە بۆوەتە بیانووی ئەبدەیتکردەنەوەی سیاسەت و کوردایەتی و خاوەندارێتی لە مەسەلەی کەرکوک، گەنجەکان، کچان و کوڕان لەم تابلۆیەدا ڕەنگی زاڵن و دیمەنەکەیان ڕەونەقدارتر کردووە.
ڕەنگە هەبن بڵێن جا خۆ ساڵی پێشتر هەڵبژاردنی تر لە کەرکوک کرا (هەڵبژاردنی ئەنجومەنی نوێنەران لە پایزی ٢٠٢١) و هیچی نوێی تیا نەبوو، بەڵام خەڵکی بە سەلیقە دەزانن ئەمەی ئەنجومەنی پارێزگای کەرکوک پەیوەستە بە دیزاینکردنەوەی ئیدارەی شارەکە و پێدانەوەی کەسێتی سیاسی و مەعنەوییە بە کەرکوک، پەیوەستە بە سەنتەرکردنی سیاسەت لە هەستیارترین شاری کوردستان و عیراق لە وەختێکدا هەم سیاسەتی بەغدا بۆ کۆی عیراق درز و کەلێنی تێدایە و هەم سیاسەتی کوردستانیش لە ناوخۆدا پڕ گرفتە.
لە ئیدارە و حکومڕانییەوە تا ژیان و گوزەرانی خەڵکەکەمان، بۆیە جوڵەی بە تەوژمی کەرکوک وەک گەڕان وایە بەدوای گۆڕەپانی نوێی کارکردن کە سییەکانی سیاسەت لە کوردستان و عیراق پاک بکاتەوە و چانسێکی تر بداتەوە بە هەمووان ، ئەمما بە ستایلێکی نوێوە.
لەبەر ئەمەیە دەتوانین جوانترین بەرجەستەی عیراقە بچوکەکە و کوردستانە گەنجەکە لە پێگەیشتنی پردی خاسەی کەرکوک و گرێدانەوەی جەمسەرەکان ببینینەوە.
ڕوویداوە لە مێژووی هاوچەرخی عیراقدا بزووتنەوەی چەپ، دەورانێکی تر بزووتنەوەی شۆڕشگێڕی کوردستان، یان ماوەیەکی کەم بزووتنەوەی بەهاری عەرەبی و دوایی بزووتنەوەی دیموکراتی عیراق و تشرینییەکانی، دەبوونە ناوکی سیاسەتێکی چڕوخەست.
یانی ئەوەی بە زمانی گیڤارییەکانەوە دەوترا (بوئرەی شۆرشگێڕی)، پێدەچێت کەرکوکی دەمی هەڵبژاردنی پارێزگاکان لە بەرزەخێکی وادا بژی، ببێتە پردێکی پتەو، یان ترافیکێکی چالاکی هامشۆی سیاسەت و دەرهاویشتەکانی .
ڕاستە دیمەنی جەمسەرگیرییەکە وەک جەمسەرگیری نەتەوەیی و مەزهەبی دەردەکەوێ، بەڵام ڕاستێکەی ئەمە بابەتە ڕووکەشەکەیە و لە ناوەرۆکدا ستایلە سیاسییە جیاوازەکان کە خۆیان لە جەمسەرە نەتەوەییەکان پێچاوە، لە قەرەباڵخی ململانێدا خەریکن شوێن بۆ خۆیان دەکەنەوە. ئێمە باسی بەشەکەی کورد دەکەین کە وەسفی مام جەلالی بەسەردا جێبەجێ دەبێت: ئەژدیهاکە، یان قومقومەکە ، لە ملی شوشەکە هاتۆتە دەرەوە و تازە بە پاڵەپەستۆش ناچێتە ناوەوە.
لەو کاتەی پەیام و پێدراوەکانی لە هەرێمی کوردستانەوە دێن کاڵ بوونەتەوە و لەو کاتەی بەغداش لەبەر سەرقاڵی بە ململانێکانی جەمسەرەکانی پایتەخت چیتر ناتوانێ کەرکوک وەک باخچەی ئەمن و ئومانی عیراقی نیشان بدات، ڕەنگە ئێستا دەرفەتێکی زێرین بێت کە کەرکوک خۆی سیاسەتێکی تەوەر کەرکوکیانە کەڵەکە بکات و چەقی شارەکە ببێتە داینەمۆی چانسی تاقینەکراوەی توخم و پێکهاتەکان بەرەو دەوڵەمەندکردنی ئەزموونی هەرێم و بەغدا و پێدانی چانسێکی نوێ کە متبوون و پێکوتەی ئێستا تێپەرێنێ.
بۆ نا؟ شار هەموو شتێکی تیا دەقەومێ و کەرکوکیش شارە و لەسەد ساڵی رابردوودا قسەی هەبوو.
زۆر زەحمەتە ئەم دۆخە گەشاوە هەر لە تەداروکاتی ویستی خزمەتگوزاری و ئەرکی ئاوەدانی یا خود لە ویستە نەتەوەییەکەدا قەتیس بکرێت . بۆ کەرکوک و لە کەرکوک هەردوکیان پێکەوەن.
PUKMEDIA
هەواڵی زیاتر
-
تیرۆرستێک دەستگیردەکرێت
11:39 PM - 2024-05-06 -
دوو ئەمیر و 5 تیرۆریست لەسلێمانی و هەڵەبجە دەستگیرکران
09:20 PM - 2024-05-06 -
شاڵاو کۆسرەت رەسوڵ: مامۆستایانی ئایینی رۆڵیان لەپێگەیاندنی نەوەکاندا هەیە
06:19 PM - 2024-05-06 -
ئامادەکارییەکان بۆ هەڵبژاردن لە هەولێر بەردەوامە
04:57 PM - 2024-05-06
ئەمانەش ببینە
قوباد تاڵەبانی: توانای مرۆیی باشمان هەیە و رێکنەخراوە
06:31 PM - 2024-05-06
سەرۆک بافڵ گەیشتە واشنتن
06:23 PM - 2024-05-06
ئاگر زیانی ملیۆنان دۆلار لە كاسبكارانی هەولێر دەدات
12:17 PM - 2024-05-06
سهرباری رێگرییهكانی حكومهتی ههرێم 102 خێزانی ئاواره گهڕانهوه شهنگال
01:42 PM - 2024-05-05
زۆرترین خوێنراو
-
قوباد تاڵەبانی: توانای مرۆیی باشمان هەیە و رێکنەخراوە
کوردستان 06:31 PM - 2024-05-06 -
سەرۆک بافڵ گەیشتە واشنتن
کوردستان 06:23 PM - 2024-05-06 -
شاڵاو کۆسرەت رەسوڵ: مامۆستایانی ئایینی رۆڵیان لەپێگەیاندنی نەوەکاندا هەیە
کوردستان 06:19 PM - 2024-05-06 -
ئامادەکارییەکان بۆ هەڵبژاردن لە هەولێر بەردەوامە
کوردستان 04:57 PM - 2024-05-06 -
گومان بەسەر ئاگرەكەی قەیسەریدا زاڵ دەبێت
کوردستان 03:40 PM - 2024-05-06 -
مەکتەبی سکرتارییەت: سامان گەرمیانی وەک قارەمانێک بەشێک بووە لە سەرکەوتنەکان
ی ن ک 01:43 PM - 2024-05-06 -
کۆمسیۆن دەستیکرد بە چاپکردنی وەرەقەی دەنگدان
کوردستان 01:11 PM - 2024-05-06 -
بایەخی سەردانی سەرۆك بافڵ بۆ ئەمریكا
بیروڕا 12:31 PM - 2024-05-06