باندێکی ماددەی هۆشبەر دەستگیردەکرێت

PUKMEDIA

لۆگۆی ئاسایش

دەزگای ئاسایشی هەرێم، باندێکی ماددەی هۆشبەر پاش ڕوبەڕووبونەوە دەستگیردەکات.

لەراگەیەندراوێکدا کە کۆپییەکی بۆ PUKMEDIA نێردراوە دەزگای ئاسایشی هەرێم رایگەیاندووە: "هێزەکانی بەڕێوەبەرایەتی ئۆپراسیۆنەکانی ئاسایش بە هەماهەنگی بەڕێوەبەرایەتی نەهێشتنی ماددە هۆشبەرەکانی دەزگای ئاسایش ٢٠٢٣/١١/٢٧ لە شاری کەلار ئۆپراسیۆنێکیان ئەنجامدا بۆ دەستگیرکردنی ( ٣ ) بازرگانی ماددەی هۆشبەر، لەکاتی جێبەجێکردنی فەرمانی دادوەر بۆ دەستگیرکردنیان، تۆمەتباران هەوڵی هەڵاتن و ڕوبەڕووبونەوەی چەکداریان دا".

 لەراگەیەندراوەکەدا ئاماژە بەوەشکراوە: "هێزەکانی ئاسایش توانیان بەزوترین کات هەرسێ  تۆمەتبار دەستگیربکەن و یەکێک لە تۆمەتباران لە کاتی ڕوبەڕووبونەوەدا بە برینداری دەستگیرکرا و دەستبەسەر سەرجەم ئەو ماددە هۆشبەرانەدا گیرا کەبەنیازبوون بازرگانی پێوەبکەن، بڕەکەی پێکهاتبوو لە یەک کیلۆگرام لە ماددەکانی کریستاڵ و حەشیش".

PUKMEDIA