غەمزەی چاوی خانەقی
کوردستان 02:32 PM - 2023-11-24ستران عەبدوڵڵا
ستران عەبدوڵڵا
بەڕاست و چەپا پانۆرامای رۆژانەی بەشێكە لە مێژوو، بەڵام لە تایتڵی گشتیدا رێگەی ئاوریشمینی كوردایەتییە و پارچەیەكە لە دیمەنی كوردەواری.
لە زەمانی خوداد عەلییەوە فشاری لەسەرە كە قینی لە كورد بوونی خۆی بێت و یادەوەری خۆماڵی دیلیت بكا و ببێتە خانەوێران، كەچی ئەم هەر وەتەن ئابادە، هەر خانەقییە و لە پەنای روباری ئەڵوەنەوە دڵنیایی بە گەرمەسێر و كرماشانیش دەدا.
نیشتەنی دڵگیری باخەكانی لیمۆ و هەنار و خورمایە، بەڵام خورمای خۆمانی وا كە وەك گوێز و گێوژ بە كوردی قسە ئەكا، شارێكە نوقمی شارستانی، نزیكە بەغدایە و عەلمۆدەیە و لە هیچی كەم نییە، كەچی دەستبەرداری (كوردستان)نابێ، رێی ئاوەدانی قافڵەی مسك و عەنبەر و دین و مەزهەبە، مێژووی ئەسڵی و قەدیم و عەتیق بە پێش زایین و پشتی چەرخی زانین بەناو كوچە و كۆڵانەكانیدا دێت و دەڕوا، كەچی ئەو شارە هەر بە دیار كورد بوونییەوە دانیشتووە و كراسی ڕەشی ڕەسەنایەتی پێ خۆشترە لە كراسی مۆدێلی تەماع و تێكەڵی.
لەڕێی خوا واز لە دەفتەر خدمەی نیشتمان ناهێنێ و یەك بینە یەكێتی و یەك ڕیزی و یەت چارەنووسی گەرەكە.
خۆی نەفتخانەیە و چاوی لە نەوتی كەركوكیش نییە، بەڵام ئەو لیوایەكی قوربانی دا بۆ كەركوك و لیوا حسێن مەنسوریشی كردە بانی.
بە ڕاست و چەپ خزمانی عەلی و حسێن لەم دیو سنوور و ئەو دیو سنوور بانگی كەمەندكێشی بەگوێدا دەدەن، كەچی ئەم خانەقینە هەر خانەقینە و موڕاد خانی لەبەر ناكاتەوە.
شیعر و شانامە و شەعائیری خۆی هەیە و لەهی كەس ناچێ. بە كوردی زەمی یەزید ئەكا و بە كوردیش عەلی و وەلی ئەلاوێنێتەوە.
لە بیرمە هەفتەیەك بوو بەعس و سوپاكەی فەوتیان گشت خانەقی ئیمزای كرد بمانخەنە بان هەرێم تا بێینە سەر رێگاكەی جەبار فەرمان و (بانمیل) قیبلەنمای بێت، ئەوی حەجی بۆ بكا (كەلای) بێت و ئەوی لە حەجی بگەڕێتەوە وەك (مەشەیی)بیناسێنن.
چەند ساڵە قوڕقۆشمی ئۆكتۆبەری دوای ریفراندۆم ئەكەن بە قوڕگیا ئەم شارە هەر (ئەڵوەنەكەی) ئازاد خانەقینی ئەچڕێتەوە، زۆر هەبوون دەستنوێژیان شكاو سوێندیان كەفت و دروشمی زلیان خەفت. شاری نەفت هەر لەسەر عەهد و پەیمانی پێشین ماوە و چوون گیانبازەكانی حسێن لە واقیعەی كەربەلا ئێژێ (هیهات منا المژلە)، واتا (هەرگیز دای نانەوێنین).
یانی بانگەوازێكە وەك بانگی كۆمەڵەكان و هەڵۆی سوور، (كرێكارێكی هەژاری كوردم ، هیچ پەشیمان نیم لەوەی كە كردم).
خانقییە و لێی مەترسێن، گەمارۆی دەدەن كەچی وەك سندوقی عاجباتی لەو سەرەوە كەوا و سەڵتەی باوە مەحموی لەبەرە، ستایلە و ناگۆڕێ و بەرگە و بە گۆشتەوە نووساوە، ئەمجارەش دەوریان داوە و نییەتیان بەند و داوە، كەچی (خانەقینەگەم) هەر خەركی بێوەژن كۆشییە بۆ (كوردستان) و بە برژانگی چاو دەنگ بۆ حزبەكەی مام جەلال كۆ دەكاتەوە، ئابوونەی بۆ لیستی (١٢٠).
بەسەرهاتی خانەقی رۆمانێكی چڕی پڕ قارەمانە و زۆر كورت ناكرێتەوە، گەلێك جار ئیمپڕاتۆرەكانی رۆژگار و زەمان كەیفیان پێ هاتووە مروارییەكەی ئەڵوەنی بدزن و فێنكی باخەكانی زەوت بكەن ، كەچی هەر تیلەی چاوی لەوڵاتی مادەكان و قەدەری كوردەوارییە و وەك عەلی وەندی هەر دەڵێت:
(من بە تاڵی زوڵفی تۆ
هاوسێ وا زنجیرم كرام
من بەتیری عەشقی تۆ
گیانە دڵم پر لە زامە)
PUKMEDIA
هەواڵی زیاتر
-
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
02:53 PM - 2024-05-16 -
هەموومان لەسەر مەزاری عادل موراد دەبین
04:16 PM - 2024-05-17 -
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
08:17 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
05:47 PM - 2024-05-16
ئەمانەش ببینە
دەرباز کۆسرەت رەسوڵ: ئەمریکا بایەخی زۆر بە سەرنجەکانی یەکێتی دەدات
01:01 PM - 2024-05-17
ئەنجومەنی نوێنەران سەرۆکێکی نوێ هەڵدەبژێرێت
10:38 AM - 2024-05-17
داهاتی هەفتەی رابردووی سلێمانی نزیکەی 11 ملیار دینارە
08:47 AM - 2024-05-17
یەکێتی 'تانە'کەی دەباتەوەو کۆمسیۆن دەستبەکارەکانی هەڵبژاردن دەکاتەوە
02:16 PM - 2024-05-16
زۆرترین خوێنراو
-
ناسر عەبدولنەبی محەمەد کۆچی دوایی کرد
پرسەنامە 07:25 PM - 2024-05-17 -
سەرۆک بافڵ: پێویستمان بە هەڵبژاردنێكی بێگەردە
کوردستان 06:45 PM - 2024-05-17 -
باخەکانی خانەقی لەنێوان مێژوو... یادەوەریی دا
بیروڕا 04:26 PM - 2024-05-17 -
هەموومان لەسەر مەزاری عادل موراد دەبین
ی ن ک 04:16 PM - 2024-05-17 -
مەعلوم ئەمە (خەبات) نییە
بیروڕا 03:05 PM - 2024-05-17 -
دەرباز کۆسرەت رەسوڵ: ئەمریکا بایەخی زۆر بە سەرنجەکانی یەکێتی دەدات
کوردستان 01:01 PM - 2024-05-17 -
ئەنجومەنی نوێنەران سەرۆکێکی نوێ هەڵدەبژێرێت
عیراق 10:38 AM - 2024-05-17 -
د.ئەرسەلان بایز کتێبێکی نوێ بڵاودەکاتەوە
کوردستان 09:47 AM - 2024-05-17