لەیادی هەڵەبجەدا داوای تەواوكردنی رێكارەكانی بەپارێزگابوونی دەكرێت

PUKMEDIA

مۆنۆمێنتی هەڵەبجە

لە یادی 154 ساڵەی بە قەزابوونی هەڵەبجەدا، پارێزگاری شارەكە داوا دەكات، "پێش یادەكانی 16ی ئازاری ساڵی داهاتوو، رێكارەكانی بەپارێزگابوونی هەڵەبجە لە ئەنجومەنی نوێنەرانی تەواو بكرێن و بوودجەی تایبەت بە خۆی هەبێت".

ئەمڕۆ 24-11-2023،  154 ساڵ بەسەر بە قەزابوونی هەڵەبجەدا تێدەپەڕێت كە مێژووەكەی بۆ ساڵی 1869 دەگەڕێتەوە، لە مەڕاسیمی ساڵیادی بە قەزابوونی هەڵەبجەشدا ئازاد تۆفیق پارێزگاری هەڵەبجە رایگەیاند: "هیوادارین كەیسی هەڵەبجە نەبەسترێتەوە بە هیچ كەیسێكی دیكەوە و عیراق هەڵەبجە بكاتە پارێزگاو بوودجەی تایبەت بە خۆی هەبێت و لەناو ئەنجومەنی نوێنەراندا دەنگ و سەنگی هەبێت".

راشیگەیاند: "داوادەكەین پێش یادەكانی 16ی ئازاری ساڵی داهاتوو، رێكارەكانی بەپارێزگابوونی هەڵەبجە لە ئەنجومەنی نوێنەرانی عیراق تەواو بكرێن".

رۆژی 24ی تشرینی هەموو ساڵێك بە رۆژی هەڵەبجە دیاریكراوە و لەو رۆژەدا بە چالاكی جۆراوجۆر یادی دەكرێتەوە.

PUKMEDIA