ئاراس محەمەد ئاغا: ھاوپەیمانی یەكێتی خەڵكی نەینەوا خزمەت بە ھەمووان دەكات

PUKMEDIA

ئاراس محەمەد ئاغا

ئێوارەی  چوار شەممە ٢٢-١١-٢٠٢٣ ئاراس محەمەد ئاغا  سەرۆكی ھاوپەیمانی یەكێتی خەڵكی نەینەوا، بە هاوڕێیەتی ژمارەیەك لە هەڤاڵانی مەڵبەندی حەوتی نەینەوا، بەئامادەبوونی شێخ عامر مرعز الحدیدی كاندیدی لیستی ھاوپەیمانی یەكێتی خەڵكی نەینەوا  و ژمارەیەك سەرۆك ھۆز و كەسایەتی دەڤەرەكە لە گوندی یرغنتی قەزای حەمدانیەی پارێزگای نەینەوا بەشداری لە كردنەوەی یاری نێوان دوو تیمی گوندەكە كرد كە بەو بۆنەیەوە كۆبوونەوەیەكی فراوان سازكرابوو.

لەو كۆبوونەوە فراوانەدا ئاراس محەمەد ئاغا پاڵپشتی بۆ وەرزشكار و یاریزانان دووپاتكردەوە و رایگەیاند: "وەك هەمیشە پاڵپشت و پشتیوانتان دەبین،  كایەی وەرزشی فەرامۆش ناكەین و گەشەی زیاتری پێدەدەین، بە ئامانجی خزمەتكردنی وەرزشكاران".

 جەختی لەوەش كردەوە: "ھاوپەیمانی یەكێتی خەڵكی نەینەوا خزمەت بەھەموو چین و وتوێژەكانی نەینەوا دەكات، بۆیە پێویستە لەسەر ھەموومان بەجۆش و خرۆشێكی زۆرەوە كار بۆ سەرخستنی ھاوپەیمانییەكەمان و كاندیدانی بكەین، بۆ ئەوەی زۆرترین دەنگی  پارێزگاكە بەدەست بهێنین".

PUKMEDIA