شەش مانگ تەمەنی كۆمسیۆنی عیراق درێژدەكرێتەوە

ئاژانسەكان

كۆمسیۆنی عیراق

ئەندامێكی ئەنجومەنی نوێنەرانی عیراق رایدەگەیەنێت: "شەش مانگ تەمەنی كۆمسیۆنی عیراق درێژكرایەوە و لەو ماوەیەدا دەبێت كۆمسیۆن هەردوو هەڵبژاردنی ئەنجومەنی پارێزگاكانی عیراق و هەڵبژاردنی پەرلەمانی كوردستان ئەنجام بدات".

د. بڕیار رەشید ئەندامی ئەنجومەنی نوێنەرانی عیراق لە لێدوانێكیدا بۆ سایتی رەسمی یەكێتیی نیشتمانیی كوردستان  PUKMEDIA رایگەیاند: "لە كۆبوونەوەی ئەمڕۆی ئەنجومەنی نوێنەراندا دەنگدان لەسەر هەمواری یاسای كۆمسیۆنی باڵا  تەواو بوو بە كۆی دەنگ پەسند كرا، كارەكانی كۆمسیۆنیش تاوەكو راگەیاندنی ئەنجامی كۆتایی هەڵبژارنی ئەنجومەنی پارێزگاكانی عیراق  و هەڵبژارنی پەرلەمانی كوردستان درێژەیان دەبێت".

"واتە لە ماوەی ئەم شەش مانگەدا دەبێت كۆمسیۆن هەردوو هەڵبژاردنی ئەنجومەنی پارێزگاكانی عیراق و هەڵبژاردنی پەرلەمانی كوردستان ئەنجام بدات" د. بڕیار رەشید وادەڵێت.

راشیگەیاند: "بەهۆی نەبوونی رێككەوتنی سیاسییەوە، هەڵبژاردنی سەرۆكی ئەنجومەنی نوێنەرانی عیراق بۆ دوای سەری ساڵی نوێ دواخرا".

ئەمڕۆ 22-11-2023، بەئامادەبوونی 180 ئەندام، دانیشتنی ئەنجومەنی نوێنەرانی عیراق بۆ تاوتوێكردنی ھەڵبژاردنی سەرۆكێكی نوێ بۆ ئەنجومەنەكە و دەنگدان لەسەر ھەموواری یاسای كۆمیسیۆنی باڵای سەربەخۆی ھەڵبژادرن بەسەرۆكایەتی موحسین مەندەلاوی بەڕێوەچوو. 
 
PUKMEDIA